YT YouTube2Text

YouTube2Text → Transcripts → رقصو وتبولو عليه قبل إعدامه بكل وحشية / جيمس بيرد - قضايا تم حلها

رقصو وتبولو عليه قبل إعدامه بكل وحشية / جيمس بيرد - قضايا تم حلها — Transcript

by قضايا الحفرة - Sara Gamal · 3,864 words · 585 segments · language en · Watch on YouTube

Open in transcriber Summarize with AI Download SRT/VTT

Full transcript

0:00يا خسارة، هنوصل لأقرايبه الهدية ناقصة
0:03حتة.
0:04من اللي شفته ومن الخوف تبولت على نفسي.
0:09ابنه اللي كان في الجيش وبعد اللي حصل
0:11لأبوه ساب الجيش وقال أنا مش هحمي البلد
0:15دي.
0:16من بشاعة اللي مر بيه في لحظاته الأخيرة
0:19عملوا حديقة باسمه. بس والله لو عملوا بلد
0:24بحالها، كوكب كامل باسمه مش هيعوضوا كم
0:29الألم اللي جيمس مر بيه.
0:32قضية النهار ده هتسفرنا على الولايات
0:34المتحدة الأمريكية. أحداث قصتنا حصلت سنة
0:381998
0:40في ولاية تكساس وبالتحديد مدينة جاسبر.
0:44بسبب اللي حصل في المدينة دي لازم نتعرف
0:48عليها كويس.
0:49جاسبر ملعونة بناسها. اللي حصل في كل شبر
0:53فيها لازم العالم كله يعرفه.
0:57مدينة صغيرة بتقع في شرق ولاية تكساس وعلى
1:01أساس بتتميز بأجوائها الهادئة ومشهورة
1:05باسم جوهرة الغابة. مساحتها 26 كم مربع.
1:11وبحسب إحصائيات سنة 2010 تعدادها السكاني
1:15كان حوالي 8000 نسمة. ومن هناك هنتعرف على
1:20القصة المأساوية لبطلنا جيمس بيرد.
1:30>> [موسيقى]
1:35[موسيقى]
1:47>> إزيكم وأهلاً بكم في فيديو جديد. بتمنى
1:50لكم الستر والصحة وراحة البال دائماً يا
1:53رب. الفيديو ده بإذن الله كده هينزل يوم
1:56الخميس واللي الله أعلم هيبقى أول أيام
2:00شهر رمضان الكريم. كل سنة وأنتم طيبين
2:03ويتقبل صيامكم وصالح أعمالكم بإذن الله.
2:07أنا بحب الشهر ده جدًا بس أنا لايمة عليكم
2:10ما جاليش فانوس أحطه مكان الأباجورة دي في
2:13شهر رمضان. مش مهم. يلا بينا نمّهد نفسنا
2:17نفسيًا والله بصراحة
2:20زي ما قلت لكم قبل كده بس مضطرة إني أنا
2:22أقول علشان في ناس عندهم حتة إيه؟ بيشغلوا
2:26دماغهم وعايشين في نظرية المؤامرة. أنت
2:29قاصدة تنزلي القضية دي مش عارف إيه؟ أنت
2:31قاصدة
2:32ما فيش الكلام ده. أنا لابسة ألوان وردية
2:34رمضانية جميلة إن شاء الله. بس إحنا
2:37بنلاقي القضية بنبدأ نكتبها نلحق نعدلها
2:40ونصورها ونمنتجها نلحق ننزلها. ما عندناش
2:44إحنا مكتبة قضايا بنختار منها. ما فيش
2:48الكلام ده. والدليل على كده إن تقريبًا
2:51ثلاث أرباع إن ما كانش 90% من القناة كلها
2:54فيديوهات غير مكررة والتفاصيل اللي فيها
2:58برضه مش هتلاقوها في أي حتة ثانية. فإحنا
3:00ما عندناش مكتبة محتفظين بها. القضية دي
3:04مأساوية جدًا جدًا فيها تفاصيل مش
3:07هتنسوها. مش هقعد أحرق في أحداث وأرغي
3:10كثير بس والله ما مقصودة. قضية حزينة في
3:14أول أيام الشهر الكريم.
3:16وكده كده كل قضية حزينة. فيلا بينا بسرعة
3:19نقول بسم الله ونتعرف على جيمس. اتولد
3:23جيمس بيرد جونيور يوم 2 مايو سنة 1949.
3:29وفي وقت أحداث قصتنا في سنة 1998
3:34جيمس كان عنده 49 سنة. والدته اسمها ستيلا
3:38ماي شارب ووالده اسمه جيمس بيرد. مسمي
3:42ابنه على اسمه يعني.
3:44جيمس بقى اتولد في مدينة بومنت في ولاية
3:47تكساس.
3:48عائلته كبيرة من ناحية العدد.
3:51هو رقم ثلاثة إخواته الثمانية.
3:54وعيلته معروفين في مدينتهم إنهم عيلة
3:57متدينة ومتمسكة ببعض جدًا. أبوه اللي اسمه
4:01جيمس كان شماس في الكنيسة. والأم ستيلا
4:04كانت من خدام مدارس الأحد. مدارس الأحد دي
4:08بتبقى عبارة عن إيه؟ الخدام أو الناس
4:11الطبيعيين يعني اللي بيتبرعوا إنهم يخدموا
4:14في الكنيسة بياخدوا مجموعات الأطفال أو
4:16المراهقين ويعلموهم الكتاب المقدس بشكل
4:20صحيح. وبناءً عليه أبناء جيمس وستيلا
4:24كانوا متربيين في الكنيسة. ولما كبروا
4:27الأولاد شوية العيلة كلها انتقلت على
4:31مدينة جاسبر.
4:32تعالوا بقى لما نتعرف أكثر على بطلنا
4:36جيمس. كل اللي عرفوه وصفوه بصاحب يد
4:39العون. بيحب يساعد كل اللي حواليه. شخص
4:43مريح وسهل في التعامل وشخصيته مرحة. كمان
4:47شاطر في العزف على البيانو وصوته حلو في
4:50الترانيم.
4:52قلنا إنه متربي في الكنيسة.
4:54ولما دخل المدرسة الثانوية بقى من ضمن
4:57الفرقة الموسيقية في المدرسة. وجنب صوته
5:01الحلو وعزفه على البيانو اتعلم العزف على
5:04البوق. وكان بيعمل به عروض لوحده. سولو
5:08يعني. وصلنا لسنة 1967.
5:13وجيمس في الوقت ده اتخرج من المدرسة
5:15الثانوية. ما كملش تعليم بعد كده. اتجوز
5:19على طول. ما نعرفش معلومات عن مراته بس
5:23عارفين إن من وهم في المدرسة الثانوية وهم
5:26بيحبوا بعض. واتفقوا إن بمجرد ما يكملوا
5:30السن القانوني هيتجوزوا على طول. وخلال
5:33خمس سنين زواج أنجبوا ثلاث أولاد. البنت
5:37الكبيرة اسمها رينيه. والولد الوسطاني
5:40اسمه روس. وآخر العنقود اسمها جيمي.
5:44وفي الوقت ده جيمس كان بيشتغل في شركة
5:47لبيع المكانس الكهربائية, وكان بيعمل
5:50حاجتين, بيشتغل سيلز في المبيعات, وفي نفس
5:54الوقت بيصلح المكانس, وكان شاطر جداً في
5:58أي أدوات كهربائية, لدرجة إن أطلقوا عليه
6:02في المدينة الراجل اللي بيقدر يصلح كل
6:06حاجة. جيمس من النوع, عارفين أنتم الناس
6:09اللي لما بتمسك حاجة بتفضل تنخور فيها لحد
6:13ما تجيب أخرها وتفهمها كلها, جيمس من
6:16النوع ده, بيوصل للإكستريم في كل حاجة,
6:20وعلشان كده كان شاطر في تصليح أي أجهزة
6:23كهربائية, بس معلش يا جيمس, مش كل حاجة
6:27حلوة, ولا الحياة كلها وردي في وردي, لازم
6:30يبقى فيها مشاكل, لازم يبقى فيها طلعات
6:34ونزلات. وبسبب ضيق الحال, جيمس غلط غلطة
6:38كبيرة, وهيتحاسب على الغلطة دي, بس بسبب
6:42الغلطة دي, هيتحل لغز قضية النهار ده, عمل
6:47إيه جيمس؟ أتقبض عليه أكثر من مرة في
6:50جرائم سرقة وتزوير, وبعد ما خلص عقوبته,
6:54خرج مرة ثانية جيمس اللي إحنا نعرفه, الأب
6:58الحنون, والزوج المجتهد.
7:01عدت سنين كتير, ونوصل لسنة 1994,
7:07يعني بعد 27 سنة زواج, وفي المرحلة دي,
7:12زوجة جيمس طلبت منه إنهم ينفصلوا بهدوء,
7:15طب أنا عملتلك حاجة؟ قالتله لأ, بس أنا
7:19خلاص بالنسبة لي تعبت, في ستات كده وفي
7:22رجالة كده, بعد سنين كتير من الزواج, لأ,
7:25خلاص, أنا عاوزة أرتاح.
7:27المهم إن جيمس أحترم رغبتها, والإثنين
7:29أطلقوا بكل أدب, وفي نفس الوقت فضلوا على
7:33تواصل من بعيد لبعيد.
7:35بالنسبة بقى لجيمس, فلسة بيحب مراته جداً,
7:39ما كانش قادر يستوعب فكرة انفصاله عنها
7:43ويلجأ للكحول بس بسرعة جداً أدرك أنه غلط
7:47وانضم لمنظمة غير ربحية بتساعد المدمنين.
7:52عرفنا جيمس وتعرفنا عليه أنه مؤصل وابن
7:56بيت متدين وأنه شاب حالم وراجل مجتهد وأب
8:01جميل. تعالوا بقى نبدأ في أحداث قصتنا.
8:05وصلنا ليوم 6 يونيو سنة 1998.
8:10في اليوم ده كان جيمس معزوم على حفلة وداع
8:13العزوبية لبنت أخته وكان أول الحاضرين
8:17وبعد ما الحفلة خلصت طلب من أخته توصله
8:20عند واحد صديقه. ليه يا جيمس؟ قالها عيد
8:24ميلاده النهاردة وكلنا سهرانين عنده وأخته
8:27وصلته. وفضل عند صديقه لحد الساعة 1:00
8:31بالليل. بعدها قال له خلاص أنا كده
8:33استكفيت أروح أنا بقى. صديقه قال له استنى
8:37أوصلك بعربيتي. جيمس قال له لأ المسافة
8:41كلها على بعضها 2 كيلو أنا عاوز أتمشى
8:44شوية.
8:45وصدقوني اللي حصل من اللحظة دي لتاني يوم
8:50مش هتقدروا تنسوه.
8:52وصلنا لتاني يوم 7 يونيو سنة 1998.
8:58راجل كبير في السن راكب عربيته مع حفيده
9:02ورايحين مشوار.
9:03وبالقرب من مقبرة كنيسة صغيرة اسمها هاف
9:07كيرك لاحظوا حاجة غريبة.
9:10الراجل وحفيده نزلوا من العربية يشوفوا ده
9:13إيه وهناك يشوفوا منظر عمرهم ما هينسوه.
9:18جثة لراجل أسمر البشرة مشوهة وبدون الرأس
9:24والكتف. الراجل أخذ حفيده وفوراً اتصل
9:27بالشرطة والشرطة تيجي وبمجرد ما شافوا
9:31المنظر وبالنظر من بعيد كده لاحظوا أن في
9:36بصمات إطار عربية، يعني في حد كان بيحاول
9:39يفرمل، فقالوا دي حادثة، الناس اللي خبطوه
9:43طيروه وجريوا من المكان. بيقربوا أكثر من
9:48البصمات دي، يكتشفوا إنها مش بصمات، دي
9:51آثار دم على بعد مسافة طويلة. فورًا وفي
9:56نفس الوقت يوصل إتصال ثاني للشرطة، سيدة
10:00على بعد مسافة 2 كيلو بتتصل بالشرطة
10:04وبتقولهم: نازلة من بيتي وقدام ماسورة
10:08خرسانية لقيت في وشي راس وكتف بشرية.
10:13الشرطة إتحركت فورًا على هناك، وبمجرد ما
10:17شافوا الراس والكتف عرفوا إنها بتخص الجثة
10:21اللي لقوها عند المقبرة. وعلى طول الطريق
10:25مسافة الـ 2 كيلو من الماسورة الخرسانية
10:29لحد المقبرة يعثروا على جزيئات بشرية وبقع
10:34دم.
10:35هنا الشرطة عرفت إنهم واقفين قدام جريمة
10:39بشعة جدًا. بعد اللي المحققين شافوه ده
10:43إتأكدوا إنهم قدام جريمة عن عمد بسبب
10:47الكراهية. ليه بقى؟
10:49جثة الشخص اللي عثروا عليه أسمر البشرة.
10:53عثروا عليه قدام مقبرة كنيسة هافكرك،
10:57كنيسة هافكرك دي ما بيدخلهاش غير
11:00الأفارقة، يعني الجثة دي عبارة عن رسالة
11:03للفئة دي من الشعب: دي هتكون نهايتكم.
11:07هنا الشرطة بدأت تفحص بقى، من مكان
11:10الماسورة الخرسانية اللي عثروا فيه على
11:13الراس والكتف لحد قبل كده، بعد كده قلنا
11:17على مسافة 2 كيلو كاملين كان فيه جزيئات
11:20بشرية، آثار للدم لحد المقبرة مكان الجثة.
11:25لأ، خلينا نفحص بقى قبل الماسورة فيه إيه؟
11:29وعلى طول الطريق آثار دم، جزيئات بشرية,
11:34لحد ما يوصلوا لطريق ترابي جوه الغابات,
11:38ويلاقوا صراع كبير على الأرض. معنى كده
11:42إيه؟ إن هي دي نقطة البداية للجريمة.
11:46المصيبة بقى. إن المسافة من الأرض
11:50الترابية اللي جوه الغابة لحد الماسورة
11:53اللي عثروا فيها على الرأس والكتف, كانت 3
11:57كم.
11:58يعني الشخص ده اتسحل المسافة دي كلها لحد
12:03الماسورة, لحد ما اتفصلت رأسه وكتفه.
12:07والفيلم الرعب الأكبر, إن حتى بعد ما
12:10اتفصلت رأسه وكتفه, فضل يتسحل لمسافة 2
12:14كم, عشان يوصل لوجهة المجرمين الأساسية,
12:18واللي هي المقبرة.
12:20تعالوا بقى لما نحاول نتعرف على الشخص ده.
12:24الشرطة وعلى مسافة 5 كم, كلهم جزيئات
12:28بشرية وآثار دم, يعثروا على محفظة الشخص
12:33ده, ويلاقوا الهوية الخاصة به, ونعرف إن
12:37اسمه جيمس بيرد. وعلشان يتأكدوا أكثر,
12:41أخذوا بصمته وحطوها في قاعدة البيانات
12:44اللي عندهم. ويظهر اسم جيمس بيرد, اللي
12:48كان عندهم من 20 سنة فاتت.
12:51تعالوا بقى أقولكم على الثقيلة. تقرير
12:54الطب الشرعي قال, إن جيمس كان على قيد
12:58الحياة من المنطقة الترابية, وعلى مسافة 3
13:03كم سحل, لحد ما وصل للماسورة الخرسانية.
13:07واللي أثبت ده, إن رأسه من ورا ما فيهاش
13:11أي جروح, أي كحت, كان بيحاول يرفع رأسه عن
13:15الأرض وهو بيتسحل.
13:18وهنا الشرطة تحط تسلسل زمني للأحداث.
13:22جيمس اتأخذ, دخل المنطقة الترابية, انضرب
13:26واتبهدل وعدموه العافية بعدها سحلوه
13:29المسافة دي كلها بسرعة كبيرة جداً لدرجة
13:34إن جلده منتشر على الأرض بالكامل لمسافة 3
13:38كيلو إلا رأسه لحد ما يوصل للمصورة
13:42الخرسانية ومن سرعة العربية رأسه وكتفه
13:47ينفصلوا وهو على قيد الحياة بس المجرمين
13:51ما اكتفوش فضلوا مكملين سحب فيه لحد ما
13:56يوصلوا لوجهتهم الأساسية وهي مقبرة كنيسة
14:00هاف كرج
14:01تعالوا بقى لما ندخل في التحقيق بشكل أدق
14:05علشان نوصل للمجرمين دول المحققين رجعوا
14:09مرة ثانية لنقطة البداية الطريق الترابي
14:13اللي جوه الغابة اللي بدأت منه الحكاية
14:16وهناك يعثروا على شوية أدلة زجاجة بيرة
14:20أعقاب سجائر ولاعة مكتوب عليها كلمة بوسم
14:25ومفتاح ربط مكتوب عليه اسم بيري وأخذوا
14:29الكلام ده كله وبعتوه على مختبر الطب
14:32الشرعي وفي نفس الوقت خبر وفاة جيمس ينتشر
14:37في المدينة كلها ما تنسوش إن المدينة
14:40صغيرة والناس عرفوا إن جيمس الراجل اللي
14:44بيقدر يصلح أي حاجة عثروا على جثته مشوهة
14:49والشرطة طلبت من الناس أي حد شاف أي حاجة
14:53يبلغهم فوراً
14:55شاب عنده 18 سنة راح على مركز الشرطة وقال
15:00أنا شفت جيمس الساعة 2:00 بالليل راكب
15:03عربية من نوع فورد لونها رمادي وكان قاعد
15:07في الصندوق بتاعها وقدام كان راكب ثلاث
15:11شباب أصحاب البشرة البيضاء
15:14واحد من الضباط بيسمع الشهادة دي قال أنا
15:18عارف صاحب العربية دي
15:20شاب اسمه شون بيري، عنده 22 سنة، وعنده
15:25سجل إجرامي عبارة عن سرقة وسطو. حلو
15:29الكلام ده؟ يعني أنت اسمك شون بيري،
15:33ومفتاح الربط اللي عثرنا عليه في مسرح
15:35الجريمة مكتوب عليه اسم بيري. الكلام ده
15:39بقى كان في نفس يوم الجريمة، 7 يونيو سنة
15:431998.
15:46ونصل لثاني يوم. 8 يونيو سنة 1998.
15:52الشرطة عملت أكثر من كمين على الطرق
15:55العمومية. وفي واحد من الكمائن دي، صاحبنا
15:59شون ماشي بعربيته وبيتغندر. الكمين وقفه.
16:03قال له: عربيتك عليها مشاكل مرورية، ولازم
16:06نحتجزها، وأنت كمان هتجيء معنا على مركز
16:10الشرطة. ويبدأوا يفحصوا العربية. وأول
16:14حاجة عثروا عليها كان صندوق كبير مليان
16:18عدة، مفاتيح، مفكات، الكلام ده. وكل العدة
16:22مكتوب عليها إيه؟ اسم بيري. وكل العدة
16:26اللي في الصندوق كاملة، إلا مفتاح الربط
16:29اللي عثروا عليه في مسرح الجريمة.
16:32ثاني حاجة لقوها في العربية، إن بطن
16:36العربية كله مليان آثار دم وأنسجة بشرية.
16:41ولما طبقوها، عرفوا إنها بتخص جيمس بيرد.
16:46تعالوا بقى لما نروح لشون.
16:48ليه قتلت جيمس؟ شون قال لهم: جيمس؟ جيمس
16:52مين؟ قالوا له: جيمس. قال لهم: المصلح
16:56اللي بيصلح أدوات كهربائية؟ قالوا له: اه.
16:59قال لهم: أنا ما أعرفهوش. كل علمي به
17:01معرفة سطحية، إنه شاطر في تصليح الأجهزة
17:05الكهربائية. قالوا له: طيب، كل الأدلة
17:08اللي عثرنا عليها تقدمك فورًا للمحاكمة.
17:12وإحنا عندنا دليل ثاني ومعلومة ثانية، إن
17:16أنت كان معك اثنين ثانيين راكبين معاك في
17:18العربية. حابب تحكي لنا كل حاجة ولا تشيل
17:22الجريمة كلها لوحدك؟
17:25هنا شون جسمه بدأ يعرق ومش عارف يتكلم.
17:29وأول وآخر كلمة نطقها: "كنا بس عاوزين
17:34نعبث مع الأسود ده". بس الأمور خرجت عن
17:38السيطرة. بعد الكلمتين دول المحققين
17:41اتأكدوا من شكوكهم وإن الجريمة دي بسبب
17:45الكراهية.
17:46قالوا لـ شون: "أنت مش هتشوف الأسفلت مرة
17:49ثانية. مين الاثنين اللي كانوا معاك؟" قال
17:52لهم: "صحابي في السكن. راسل براور صاحب
17:55الـ 31 سنة وشون ويليام كينج معروف باسم
18:00بيل كينج وعنده 24 سنة". ونعرف إن الاثنين
18:05عندهم سجل إجرامي: سرقة، سطو، مخدرات.
18:10والثلاثة اتعرفوا على بعض في السجن. وبعد
18:13ما قضوا عقوبتهم خرجوا وعاشوا مع شون بيري
18:16في شقته. زود عليهم بقى إن بيل كينج وراسل
18:20عضوين نشيطين جدًا في جماعة اسمها تفوق
18:24العرق الأبيض. وعرفوا كمان إن بيل كينج
18:29مشهور باسم ثاني وهو بوسم. اتلقب بيه وهو
18:33في السجن. وبوسم دي نفس الكلمة الموجودة
18:37على الولاعة اللي عثروا عليها في مسرح
18:40الجريمة. ولما ركزوا شوية في الولاعة
18:44لاحظوا إن حرفين الـ S اللي في كلمة بوسم
18:48دول مش حرفين. دول رمز قوات الأمن الخاصة
18:52النازية. يعني قد إيه معجب بهتلر ورمزه.
18:56وده بيوضح بيل كينج عنيف لأي درجة. كده
19:00عرفنا الاثنين المجرمين. نرجع بقى للمجرم
19:04الأول شون بيري. واللي لحد دلوقتي محتجز.
19:07واللي هيحكي لنا كل حاجة بالتفصيل. شون
19:11بيقول في اليوم ده اللي هو الساعات الأولى
19:14من يوم 7 يونيو سنة 1998
19:18كانوا الثلاثة رايحين لحفلة لصديق معرفة.
19:22بيقول ما كناش فاكرين عنوان الصديق
19:24بالضبط. فضلنا ندور كثير ما عرفناش نوصل.
19:28هنعمل إيه يا جماعة؟ قالوا خلاص هنتمشى
19:31بالعربية نشرب البيرة اللي معنا ونروح.
19:34وهم ماشيين على الطريق شافوا جيمس هو كمان
19:38ماشي على الطريق وكان باين إنه سكران
19:42وماشي بيتوح. هنا بيل كينج قال لشون: أقف
19:47وركبه معنا وخلينا نوصله على بيته. قلت:
19:50أوكي. أنا عارف المصلح جيمس. وقفت
19:53بالعربية ندهت عليه: يا جيمس تعال نوصلك.
19:58جيمس شكرنا وركب في صندوق العربية وبدأنا
20:01نتحرك على الطريق.
20:04وإحنا ماشيين عدى شوية وقت. بيل كينج بدأ
20:08ينده على جيمس: يا جيمس يا جيمس. جيمس ما
20:12ردش. فعرفنا إن من كثر الشرب راح في
20:15النوم. في الوقت ده بيل وراسل بصوا لبعض
20:20وبيل قال لي بصوت واطي: ادخل على طريق
20:23الأشجار الترابي. قلت له: ليه؟ قال لي:
20:26اسمع الكلام. ادخل على الطريق هنتسلى ده.
20:31قلت لهم: بلاش يا جماعة لأنه عارف إنهم في
20:34منظمات عرق أبيض. بلاش يا جماعة. قالوا
20:37له: يلا. وتحت الضغط رحت على الطريق
20:40الترابي.
20:42نزل بيل كينج وراسل وشدوا جيمس اللي رايح
20:45في النوم من رجليه ورموه في الأرض. وفي
20:48اللحظة دي بيل كينج اللي ماسك إزازة بيرة
20:52في إيده رفع إيده للسما وهو بيقول: هنقضي
20:56على الأسود النهار ده. في لحظة جنون مش
20:59طبيعية. ونزلوا فيه برجليهم وبدأوا يضربوا
21:04فيه ضرب مبرح لدرجة إني شفت إيديهم ووشهم
21:08مليان دم, ويطفوا في جسمه السجاير,
21:11يركلوه, يكسروا عظام الـ
21:15الضلوع برجليهم, ولما تعبوا من كتر الضرب,
21:19بدأوا يطلعوا سبراي لونه أسود, ويرشوه على
21:23وشه, وخلعوا بناطلهم, وتبولوا عليه,
21:27وقعدوا يضحكوا هما الإثنين. من الجنان
21:30اللي أنا كنت شايفه, إترعبت, تبولت على
21:34نفسي, وأخدت بعضي ووقفت بعيد, لقيت
21:37الإثنين بيسحبوا جنزير كبير, اللي أنتوا
21:40شايفينه ده, وربطوا بيه رجل جيمس الإثنين,
21:44والطرف الثاني ربطوه في العربية. وبدأوا
21:48يقولوا لشون, يلا سوق عربيتك, شون قالهم,
21:52بلاش يا جماعة, كفاية اللي أنتوا عملتوه
21:54ده, قالوا له, أنت معانا من بداية اليوم,
21:57وهنكمل الحفلة مع بعض, يا كده, يا هنعمل
22:01فيك أنت وحبايبك, اللي هنعمله في جيمس.
22:05تحت الضغط ركبت العربية بتاعتي, وبقيت
22:08ماشي على الطريق, وبيل كينج يقول لي, سرع
22:12أكتر, خلينا نتبسط أكتر, وراسل يقول لي,
22:15سرع أكتر, والإثنين بيضحكوا, وأنا تحت
22:19الضغط, سرعت أكتر, لدرجة إن جيمس اللي
22:23بيتسحل على الطريق, كان عظمه كله بيتكسر.
22:28المهم وهما ماشيين بسرعة عالية جدا, سمعوا
22:32صوت خبطة قوية جدا, التلاتة نزلوا يشوفوا
22:35فيه إيه, يكتشفوا إن عند الماسورة
22:38الخرسانية,
22:40جيمس فقد رأسه وكتفه.
22:43الموقف ده, خلى شون تبول على نفسه للمرة
22:47الثانية, والإثنين التانيين, بيل كينج
22:50وراسل, ضحكوا, وركبوا العربية, وقالوا له,
22:54يلا على مقبرة هاف كيرج, قال لهم, هنعمل
22:57إيه, قالوا له, هنروح نرميه عند اللي
23:00شبهه, عشان الرسالة توصل بس للأسف الهدية
23:04هتوصل ناقصة. وركبوا وراحوا وعند المقبرة
23:09حطينا جثته.
23:12يا على الكراهية والغل والحقد لبني آدم ما
23:17عملش فيهم أي حاجة غير إنه مختلف عنهم.
23:23بني آدم أداهم الأمان راح في النوم ومفكر
23:27إنهم هيوصلوه لبيته بسلام.
23:31بعد ما رموا جثة جيمس عند المقبرة أخذوا
23:34السلسلة الحديد الكبيرة دي ودفنوها في بيت
23:38صديق لهم بدون علمه. يعني قد إيه الحقارة
23:42والقذارة. بيحطوا دليل جريمة وبيدفنوه في
23:46بيت صديق لهم مع إنه أبيض البشرة يعني.
23:50المهم بعدها أخذوا العربية وغسلوها كلها
23:53بس نسوا إن بطن العربية من تحت غرقانة بدم
23:58وأنسجة جيمس. بعدها أخذوا العربية وبدأوا
24:02يلفوا ويشربوا ويحتفلوا. ولما تعبوا خالص
24:06روحوا على السكن بتاعهم وناموا.
24:09الضباط سابوا شون اللي عمال يقسم إنه ما
24:13عملش أي حاجة وإنه مشى معهم تحت الضغط
24:16وراحوا على السكن بتاعه علشان يقبضوا على
24:20الاثنين المجرمين. وأول حد بدأوا يستجوبوه
24:24بيل كينج المعروف باسم باسوم. وأول ما
24:28دخلوا عليه مكتب الاستجواب عرضوا عليه
24:31الولاعة بتاعته. قالوا له هي الولاعة دي
24:33بتاعتك؟ قال لهم اه. أنتم لقيتوها فين
24:36وإزاي؟ دي ضايعة مني من كم يوم؟ قالوا له
24:40لقيناها في المكان الترابي اللي جوه
24:42الغابة.
24:43هنا بيل كينج توتر وعينه برقت. قالوا له
24:47ليه قتلت جيمس؟ قال لهم جيمس مين؟ ما
24:50أعرفش حد بالاسم ده. قالوا له احنا عرفنا
24:53كل حاجة خلاص ومعنا الأدلة. قال لهم ما
24:56أعرفش حد بالاسم ده.
24:59فضلوا يتكلموا معاه، قالوا له: أنا هأمتنع
25:01عن الكلام. وفعلًا امتنع عن الكلام نهائي،
25:05لدرجة إنهم سابوه وراحوا لراسل. وأول كلمة
25:09قالوها له: جيمس عمل فيكم إيه عشان تعملوا
25:13فيه كده؟ قال لهم: جيمس مين؟ أنا ما أعرفش
25:16حد بالاسم ده. قالوا له: لأ، تعرفه. قال
25:19لهم: قلت ما أعرفش حد بالاسم ده. قالوا
25:23له: طيب، شون شريككم الثالث اعترف بكل
25:27حاجة. وإحنا معانا الأدلة اللي تقدمكم
25:30للمحاكمة فورًا. هتساعد نفسك وتساعدنا
25:33وتعترف؟ قال لهم: أنا قلت لكم اللي عندي،
25:36ما أعرفش أي حاجة.
25:38كده كده الشرطة مش محتاجة أي حاجة. هم
25:41معاهم فعلًا كل الأدلة. ويتم اتهام
25:44الثلاثة بارتكاب جريمة قتل عمد ضد جيمس
25:48بيرد. وأثناء تصوير المجرمين وقبل ما
25:51يرموهم في السجن لحين ميعاد محاكمتهم،
25:54شافوا التاتوهات الكتير اللي على جسم
25:57راسل، واللي كلها وشوم بتعبر عن العنصرية
26:01والنازية وقمة الدموية. وكينج نفس الكلام.
26:06تاتوهات لمجموعات تفوق العرق الأبيض،
26:09علامات الطاقة الخاصة بالنازية، والثلاثة
26:13حرف K. الثلاثة دول متركبين على بعض
26:17عاملين مثلث.
26:18وصورة راجل أسمر البشرة، والنار ماسكة في
26:22وشه. المحققين رجعوا على الشقة مرة ثانية
26:26عشان يفتشوها. وهناك عثروا على ملصقات
26:30كلها عنصرية، مجلات كلها نازية وكراهية،
26:35وعثروا على مذكرات بيل كينج، واللي لقوا
26:39فيها بلاوي.
26:40بيل كينج كان بيقول إنه عاوز يعمل مجموعة
26:43لوحده للعرق الأبيض، ويكون هو مؤسسها
26:47ورئيسها. وأول حاجة كان بيفكر يعملها إنه
26:52قبل ما يؤسس المجموعة دي لازم يقتل واحد
26:56من أصحاب البشرة السمراء. وعثروا كمان على
26:59رسائل مكتوبة موجهة للأطفال والمراهقين
27:04بيحاول إنه هو يخليهم قد إيه زي عنصريين
27:09ضد أصحاب البشرة السمراء. المهم إنهم
27:12عثروا كمان على زجاجة بيرة وأعقاب سجائر
27:16وملابس المجرمين ساعة الجريمة واللي كانت
27:20كلها دم وبعتوا الكلام ده على مختبر الطب
27:23الشرعي. زجاج البيرة والسجائر اللي في
27:26الشقة هو هو الحمض النووي على زجاج البيرة
27:30والسجائر اللي في مسرح الجريمة. أما
27:33المفاجأة الكبيرة فكان البنطلون الخاص
27:37بشون بيري واللي كان مليان آثار دم واللي
27:40بعد التحليل اتضح إنه دم جيمس بيرد. يعني
27:46أعقاب السجائر والبيرة عليهم الحمض النووي
27:49بتاعك في مسرح الجريمة. يعني كنت بتشرب
27:52سجائر؟ الله أعلم كنت بتطفي ولا لأ بس كنت
27:55بتشرب بيرة في مسرح الجريمة. كمان بنطلونك
27:59عليه دم جيمس
28:02وقت الجريمة. يعني الـ تبولت على نفسك
28:05وأنا ما عملتش حاجة. كل ده كان بيكدب
28:08علشان يكسب تعاطف المحققين ويطلع نفسه
28:12منها. زي ما قلنا إن جريمة قتل جيمس بيرد
28:16انتشرت في المدينة كلها وعلى رأي الأيام
28:19دول الجريمة كانت الترند على حق. جنازة
28:23جيمس كانت جنازة مهيبة حضرها ناس كتير
28:27جداً ومنهم كبار البلد. الكل رايح يعزي
28:31أهله. ويعدي 20 يوم بالظبط على الجريمة
28:35ونوصل ليوم 27 يونيو سنة 1998.
28:41ومجموعة من أصحاب البشرة البيضاء عملوا
28:45مسيرة على طول الطريق لحد مكان المحكمة
28:49بتاعة مدينة جاسبر، وطول الوقت بيهتفوا:
28:53"أطلقوا سراح إخوتنا البيض". في نفس الوقت
28:57بقى كانوا عارفين بالمسيرة دي المسيرة
29:00الثانية، أصحاب البشرة السمراء، مجموعة
29:03اسمها الفهود السود. هم كمان ماشيين في
29:07مسيرة عشان يتقابلوا من المسيرة الثانية
29:10قدام المحكمة، وكانت هتبقى جنايات،
29:14والشرطة راحت، وعائلة جيمس بيرد بنفسهم
29:17راحوا، وأمه وقفت قدامهم، قالت لهم:
29:21"كفاية، أنا ابني راح، مش عايزة أب أو ابن
29:25أو أخ ثاني يموت". وفين وفين عما المهزلة
29:29دي اتفضت.
29:31تعالوا بقى لما نوصل للمحاكمة. وصلنا لشهر
29:35فبراير سنة 1999.
29:38وتبدأ محاكمة المجرمين الثلاثة، بس كل
29:42واحد اتحاكم لوحده.
29:44أول محاكمة كانت محاكمة المجرم الرئيسي
29:48وراسل الأفعى، وأصعب مرحلة في محاكمته وقت
29:52ما عرضوا السلسلة اللي جيمس كان مربوط
29:54بيها، وفي نهاية الجلسة تم اتهام جون
29:58ويليام كينج بارتكاب جريمة قتل عمد وجريمة
30:02اختطاف، واتحكم عليه بالإعدام. بعدها وفي
30:05شهر سبتمبر من نفس السنة بدأت محاكمة راسل
30:09براور، وتم اتهامه بارتكاب جريمة قتل عمد
30:13وجريمة اختطاف، واتحكم عليه بالإعدام.
30:17ويعدي شهرين كمان، وفي شهر نوفمبر سنة
30:201999
30:23بدأت محاكمة شون بيري، وتم اتهامه بنفس
30:27التهم، ارتكاب جريمة قتل عمد وجريمة
30:30اختطاف. وعلى الرغم من إنه مشترك وعمل
30:34معاهم نفس اللي عملوه،
30:36إلا إنه اتحكم عليه بالسجن مدى الحياة
30:40بدون إمكانية الإفراج المشروط إلا بعد 39
30:44سنة. وزي ما توقعتوا، اتحكم عليه بالحكم
30:48المخفف ده عشان اعترف، بعيدًا إنه ما
30:51اعترفش عن نفسه، بس اعترف، وده اللي
30:54الشرطة على أدلة كتير، ودلهم أهم حاجة عن
30:57المجرمين، وحكى الجريمة بالتفصيل. لولاه
31:02ما كانش هيتحكى كل حاجة. ما تنسوش إن
31:05الاثنين الثانيين رفضوا الكلام تمامًا.
31:07ولسة خلينا بس نروح لعائلة جيمس بيرد،
31:11اللي ابنه اللي اسمه روس كان بيخدم في
31:14الجيش الأمريكي وقت حدوث الجريمة. وأول ما
31:18عرف بالمصيبة اللي حصلت، ساب الجيش، وقال
31:22كده بالفم المليان: أنا كرهت البلد دي.
31:26أنا مش هحمي بلد أبويا اتقتل فيها. أما
31:29بقى نروح للوجع الكبير، أم جيمس. الست دي
31:34ما ضحكتش إلا بعد 15 سنة من ساعة الجريمة.
31:39خلينا بقى نروح للكلام اللي يهدي الأعصاب.
31:43عدى 13 سنة على الجريمة، ونوصل لسنة 2011،
31:49ويتم تنفيذ حكم الإعدام على راسل براور.
31:53وقبل تنفيذ الحكم بيوم، الظابط قاعد
31:56بيتكلم معاه. بيقوله: أنت ندمان على اللي
31:59عملتوه في جيمس؟ يرد راسل عليه ويقوله:
32:02لأ، مش ندمان. ولو رجع بيا الزمن، هعمل
32:06فيه أكتر من اللي عملته كمان. أنت الحقنة
32:10القاتلة خسارة فيك. كان لازم يتعمل فيه
32:13نفس اللي اتعمل في جيمس. يغور في 60
32:16داهية. نعدي 8 سنين كمان، يعني بعد 21 سنة
32:21من الجريمة، وفي شهر أبريل سنة 2019،
32:25يتم تنفيذ الحكم على جون بيل كينج، ويموت
32:30هو كمان بالحقنة المميتة. أوكي، عاشوا
32:33سنين كتير، بس الحلو في الموضوع إنهم
32:37عايشين وعارفين إنهم هيموتوا. والحلو أكثر
32:41إنهم نايمين كده على السرير وشايفين
32:44الحقنة القاتلة اللي هياخدوها بسبب
32:47جريمتهم. يعني بتموتوا كعقاب. تعالوا بقى
32:51نروح مرة ثانية لـ 1999.
32:56في الوقت ده اللي هو بعد الشهور من
32:58الجريمة، اتأسست حديقة باسم جيمس بيرد.
33:03والله لو عملوا إيه، زي ما قلت لكم لو
33:07كوكب كامل باسمه، مافيش حاجة هتعوضه عن
33:10الألم اللي ذاقه في لحظاته الأخيرة. أما
33:13بالنسبة بقى لبنته، فاشتغلت ضابط شرطة
33:17لإنفاذ القانون. وكل هدفها إنها توعي
33:21الناس وتحاول إنها يعني تتجنب العنصرية
33:25والكراهية، وضابطة لطيفة جدا. أما بقى
33:29بالنسبة لباراك أوباما،
33:32فعمل لافتة لطيفة جدا، وشدد العقوبة على
33:35جرائم الكراهية، وحضرها إخوات جيمس
33:39الاثنين، بيتي بيرد ولوفين بيرد. والكلام
33:43ده كان في سنة 2009. وبس كده، تخلص قضية
33:47النهار ده. قضية بالنسبة لي كنت قلت لكم
33:50على الواتساب، هحط لكم لينك الواتساب في
33:52الـ في التعليق المثبت. قلت لكم على
33:54الواتساب أنا خايفة. أنا تقريبا بقى لي
33:57ثلاث أربع ساعات بصور.
33:59في العادة أنا بصور القضية في حوالي ساعة
34:01ونصف بالكثير يعني ساعة ونصف ساعتين، بس
34:04أنا بقى لي ثلاث أربع ساعات بصور.
34:07حاولت إن أنا ما أكونش غبية وأتأثر، بس
34:10الحمد لله برضه إيه، قدرت على قد ما أقدر
34:13إن أنا أكون بروفيشنال أو احترافية
34:15وأصورها بشكل كويس. حبايبي، كل سنة وأنتم
34:17طيبين، شهر رمضان كريم علينا وعليكم.
34:20والله وعزة جلالة الله إن مافي قضية مقصود
34:25ميعادها أبدا. كل قضية بتيجي هي القضية
34:28اللي ما بنصدق نلاقيها، بنلحق نعملها
34:31نشتغل عليها ونعرضها. وأنتم عارفين أن
34:34القضية الواحدة بتاخذ شغل ثلاث أيام. عشان
34:37بس في ناس برده في قضايا ثانية كانوا أنت
34:39قاصدة الميعاد مش عارف إيه.
34:42نظريات المؤامرة ما فيش الكلام ده والله.
34:44أتمنى أن أنتم تكونوا انبسطتم وأتمنى
34:47الفيديو يعجبكم ولو عجبكم الفيديو ما
34:48تنسوش تعملوا لايك وتشتركوا في القناة لو
34:50عاوزين تشوفوني ثاني. خلوا بالكم من نفسكم
34:53في رعاية الله. أهلا وسهلا. مع السلامة.

About this transcript

This page contains the full transcript of رقصو وتبولو عليه قبل إعدامه بكل وحشية / جيمس بيرد - قضايا تم حلها by قضايا الحفرة - Sara Gamal, generated from the public captions YouTube serves with the video. The transcript has 3,864 words across 585 segments, with the original timestamps preserved so you can click any line to jump to that moment in the embedded player.

What you can do with it

Use the transcript to take notes, quote the speaker, build a study guide, generate a summary with ChatGPT or Claude via the YouTube Summary tool, or export it as a timed subtitle file with YouTube to SRT. You can also re-open it in the transcriber to translate the transcript into 100+ languages.

Free YouTube transcript tool

YouTube2Text is a free YouTube transcript generator — no signup, no daily limit. Paste any YouTube link and get the full transcript instantly, with timestamps, click-to-jump, translation to 100+ languages, AI prompts for ChatGPT, Claude, and Gemini, and exports to TXT, SRT, VTT, or Markdown.