قدم نفسك صح في ٣٠ ثانية 👌 — Transcript

Full transcript

1. 0:00خالد، ممكن تقدم لنا نفسك؟
2. 0:02أه، أنا اسمي خالد ياسر، مدرب، بشتغل من
3. 0:0610 سنين.
4. 0:07خلاص؟
5. 0:08أه، أومال حضرتك فاكر إيه يعني؟
6. 0:11خالد، قدم لنا نفسك.
7. 0:12أه، هحكيلك إيه بس ولا إيه؟ يعني
8. 0:16أنا بشتغل من حوالي 15 سنة.
9. 0:19كانت القصة بقى بدأت لما كان فيه شركة كده
10. 0:22جت لنا الجامعة.
11. 0:30بس بقى يا سيدي، هي دي القصة كلها لحد ما
12. 0:32جيت لكم هنا.
13. 0:34محمد.
14. 0:36محمد.
15. 0:37أنت نمت؟
16. 0:44مين فينا ما اتحطش قبل كده في موقف كان
17. 0:46محتاج فيه إن هو يقدم نفسه؟
18. 0:48سواء بقى المستثمر أو العميل أو لحد من
19. 0:51قرايبه أو حتى إن هو بيعرف نفسه لـ لحماه
20. 0:55المستقبلي وهو بيتقدم لواحدة وهكذا.
21. 0:57المشكلة هنا بتحصل في سيناريو من اثنين،
22. 0:59يا إما سيناريو بتاع خالد الأولاني اللي
23. 1:01هو بيقول مقدمة بسيطة جدًا جدًا ومختصرة
24. 1:04جدًا عن نفسه، ممكن ما تعرفش نفسه بشكل
25. 1:07كافي أو ممكن ما تعرفش الناس عليه بشكل
26. 1:09كافي، أو السيناريو الثاني بتاع بقى خالد
27. 1:11الثاني الرغاي اللي بيحكي الحكاية كلها
28. 1:13بقى من أول حكاية الدرفيل لحد دلوقتي.
29. 1:17والحقيقة إن الطريقتين دول فيهم مشكلة
30. 1:18كبيرة، لأنك يا إما بتختزل نفسك أو بتختزل
31. 1:21خبراتك في كلام صغير مقتضب جدًا، يا إما
32. 1:25بتبتدي تقول معلومات عن نفسك أزيد من اللي
33. 1:27محتاجها اللي قدامك فيحس إن هو زهقان أو
34. 1:30ملان أو حتى مش فاكر حاجة من اللي أنت
35. 1:32قلتها. فالسؤال هنا بقى، إزاي تقدم نفسك
36. 1:35بطريقة فعالة والناس تفتكرها؟ حتى لو معاك
37. 1:3830 ثانية بس. عندنا معادلة كده أو
38. 1:41فورميولا مكونة من ثلاث أجزاء، أو خلينا
39. 1:44نقول ثلاث طوبات بتبنيهم فوق بعض. الطوبة
40. 1:47الأولى بنسميها طوبة من أنت، ودي اللي
41. 1:50غالبًا كلنا بنعرف نقولها، يعني مثلًا
42. 1:52اسمي كذا، من المدينة الفلانية، بشتغل
43. 1:55كذا، دي دي الحاجات اللي في العادي اللي
44. 1:56احنا بنقولها. الطوبة التانية بقى اللي
45. 1:58احنا بنغفلها هي ماذا تفعل؟ وماذا تفعل
46. 2:02هنا واحدة من أكبر المشاكل اللي بنقع فيها
47. 2:04كلنا بلا استثناء, هي إننا بنختزل نفسنا
48. 2:08في الشغلانة, في التايتل, في العنوان
49. 2:10الوظيفي أو المسمى الوظيفي بتاعنا بس.
50. 2:12فأنا مثلاً خالد مدرب, بس.
51. 2:16يعني أنا ما فيش في حياتي أي حاجة تانية
52. 2:17تتعمل, أنا ما ليش أدوار تانية في حياتي
53. 2:20مهمة جداً.
54. 2:22ممكن أكون محتاج إن أنا أعرفها للناس, زي
55. 2:25مثلاً إن أنا أب, أو إن أنا زوج, أو إن
56. 2:28أنا ابن, وهكذا.
57. 2:30وكانت من المفارقات عشان لو حد يعني بيقول
58. 2:32هو أنا إزاي هقدم نفسي على إني أب؟ حد
59. 2:34مثلاً زي باراك أوباما اللي هو كان رئيس
60. 2:36الولايات المتحدة السابق, لو دخلت على
61. 2:38اللينكد إن بتاعه في وقت من الأوقات كان
62. 2:40كاتب في البايو كده المختصرة, أول تعريف
63. 2:43ليه كان إيه؟ مش رئيس الولايات المتحدة,
64. 2:45مش إنه هو حصل على ماجستير كذا, مش إنه هو
65. 2:49معاه الشهادات الفلانية, أول حاجة
66. 2:53فادر.
67. 2:54إن هو أب, هو حابب يعرف نفسه في البداية
68. 2:57على إنه هو أب. طيب, هل ده معناه إن أنت
69. 2:59طول الوقت تعرف نفسك بالدور الاجتماعي
70. 3:01بتاعك؟ لأ, بس اللي احنا عايزين نلفت
71. 3:04النظر ليه هنا إنه مهم أوي إن أنت تعرف
72. 3:06الناس اللي أنت بتقدم نفسك ليهم
73. 3:09على جوهرك اللي مش مختزل بس في الشغلانة.
74. 3:13أنت عندك حاجات كتير جداً بتعملها, حتى لو
75. 3:15أنت ما بتشتغلش. فمثلاً أنت طالب, أنت
76. 3:17بتذاكر, أنت بتحضر ماجستير, أنت بتلعب
77. 3:19رياضة معينة,
78. 3:21أنت بتمارسي هواية معينة, بترسمي, عندك
79. 3:25فن, أو عندك مهارة بتعمليها, بتتطوع أو
80. 3:28بتتطوعي في مكان مثلاً, فأنت بتساعد
81. 3:31الناس, وهكذا. فهنا بتعرف أو بتعرفي نفسك
82. 3:34بماذا تعمل عموماً.
83. 3:37وطبعاً من غير إسهاب كتير جداً برضه, ولا
84. 3:40إنك تحكي تاريخ حياتك, ولا قصة حياتك.
85. 3:42عرفنا أكتر حاجات أنت حابب الناس تفتكرك
86. 3:45بيها, حابب الناس تعرفك بيها.
87. 3:48تالت طوبة بقى, بعد ما عرفت نفسك, وبعد ما
88. 3:51قلت أنت بتعمل إيه في دنيتك؟ ثالث طوبة هو
89. 3:54أنت ليه مختلف؟ يعني إيه اللي يخليني
90. 3:56أفتكرك؟ فهنا حاول تحط في القصة بتاعتك أو
91. 3:59في طريقة تعريفك لنفسك حاجة مميزة قوي في
92. 4:02حياتك أنت عارف إن هي هتلفط الانتباه.
93. 4:04حقيقة ما حدش يعرفها عنك أو مش شائعة عنك
94. 4:08بس هأفتكرك قوي بها. فمثلاً ممكن تلاقي حد
95. 4:11وقاعد في سياق معين وهو بيتكلم بيقول لك
96. 4:13مثلاً أنا بأحب الكورة جداً جداً. حاجة
97. 4:16تبدو عادية في الأمور العادية أو في الوضع
98. 4:18العادي بس هو قاعد في سياق شغل مثلاً دي
99. 4:20حاجة ممكن يقولها تساعده جداً في التقديم.
100. 4:23حد ثاني ممكن مثلاً وهو قاعد بيقول والله
101. 4:25أنا تعلمت مثلاً خمس لغات خلال الـ 10
102. 4:27سنين الأخيرة. فمعلومة واو إيه ده حلو قوي
103. 4:30ده أنت عملت ده إزاي؟ فبقى عند اللي قدامك
104. 4:32فضول إنه يتعرف عليك أكثر فمش هينساك
105. 4:35بسهولة. بعد ما تبني الثلاث طوبات بتوعك
106. 4:38مهم قوي بقى إنك تحط كل الكلام ده في سياق
107. 4:41ستوري أو قصة.
108. 4:43كأنك مش بتقدم لي نفسك اللي هو إيه؟
109. 4:45بتطلع بطاقة كده اللي هو أنا خالد من طنطا
110. 4:49بأشتغل مدرب لا. فمثلاً أنا الشخص اللي
111. 4:52بيصحى كل يوم عنده هدف إنه هو يخلي الطلاب
112. 4:56بتوعه بني آدمين أحسن. تخيل لو أنت قلت
113. 4:58الجملة دي كده قصاد إنك تقول أنا مدرس أو
114. 5:01أنا مدرب. أنهي فيهم هأرتبط عاطفياً بها
115. 5:04أكثر أو هأفتكرها أكثر؟ وأخيراً بنقول خلي
116. 5:08عندك نسخة عامة من التقديمة يعني اعمل
117. 5:11لنفسك كده تقديمة ثابتة ما تأخذش أكثر من
118. 5:1330 ثانية وجربها مع نفسك كثير وخليها هي
119. 5:16دي الأساسية وفي نفس الوقت لو قدرت تكتب
120. 5:19كده فيرجن مختلف أو نسخة مختلفة بتعرف بها
121. 5:23نفسك حسب الاهتمام أو حسب البيرسونا أو
122. 5:25العميل اللي أنت بتقدم له نفسك أو حسب
123. 5:28الجمهور اللي بيسمعك. ولو مش عارف يعني
124. 5:30إيه بيرسونا راجع حلقة البيرسونا
125. 5:32وهتلاقيها في اللينك ده.
126. 5:33أخيراً طريقة تقديمك لنفسك واحدة من أهم
127. 5:36المهارات اللي لازم تكون عندك سواء كنت
128. 5:37فريلانسر كنت ستارت أب أو صاحب شركة أو
129. 5:40حتى موظف بيقدم على شغلانة في شركة أو
130. 5:42بيقدم نفسه للـ إتش آر.
131. 5:44فمهم جداً جداً تجيد تقديم نفسك في وقت
132. 5:48معقول وتبين قد إيه أنت مختلف.