YT YouTube2Text

YouTube2Text → Transcripts → المجرم الذي استطاع الاختفاء في اكثر دولة مراقبة بالكاميرات في العالم

المجرم الذي استطاع الاختفاء في اكثر دولة مراقبة بالكاميرات في العالم — Transcript

by Abulsadiq - ابو الصادق · 4,005 words · 578 segments · language en · Watch on YouTube

Open in transcriber Summarize with AI Download SRT/VTT

Full transcript

0:12اللي قدامكم بالصورة اسمها شاي تيان تشين
0:15معلمة تاريخ بمدرسة ثانوية بمدينة فوتشو
0:19بالصين عمرها 47 سنة. ببداية سنة 2016
0:23أهلها بلغوا الشرطة إنها مفقودة. قالوا
0:26إنه هي وابنها تليفوناتهم مغلقة وإنه ما
0:28حدا من العيلة شافهم من سبعة شهور. الشرطة
0:31راحوا على المدرسة اللي بتعلم فيها
0:32[موسيقى] وطلبوا منهم يفتحوا لهم بيتها
0:34داخل سكن المعلمين لكن المدرسة رفضت.
0:38قالوا لهم إنه الأم استقالت من أربع شهور
0:40وسافرت على أمريكا. ضلهم ثمان أيام
0:43يحاولوا يتصلوا عليها وما حدا رد. بالأخير
0:46جابوا قرار إنهم يدخلوا على بيتها.
0:50يوم 14/2 عام 2016 الشرطة وأفراد من
0:54عائلتها كسروا باب شقتها ودخلوا. أول شيء
0:57لاحظوا أسلاك على أرض الصالون موصلة ما
1:00بين كمبيوتر وكاميرتين. كاميرا موجهة على
1:02باب الشقة وكاميرا موجهة على باب غرفة
1:05النوم ومعهم جهاز إنذار. الشبابيك كانت
1:08مسكرة بورق وحتى الشقوق اللي فيها مغلقة
1:11بإحكام. دخلوا على غرفة النوم وعلى الأرض
1:14شافوا شيء طويل ملفوف بنايلون. قطعة كبيرة
1:18وأسطوانية. شرطي قرب منها ومزع النايلون.
1:21اتفاجأ إنه في تحته طبقة فحم. تحت طبقة
1:24الفحم كان في طبقة نايلون ثانية. مزعها
1:27وبرضه كان في تحتها طبقة فحم. 75 طبقة فوق
1:32بعض لحد ما بين شو في جواهم. جثة شاي تيان
1:35تشين مدرسة التاريخ والأم اللي الكل بدور
1:39عليها. الطب الشرعي حدد إنها ماتت من فترة
1:42طويلة من سبعة شهور تقريباً. وهون الكل
1:45صار يسأل عن مصير الابن. التحقيقات كشفت
1:48إنه خلال السبع شهور هدول تليفونها انبعث
1:51منه رسائل لقرايبها ولأصحاب زوجها
1:53المتوفى. بالرسائل طلبت فلوس للسفر
1:57والدراسة بأمريكا لها ولابنها. والمبلغ
2:00اللي وصلها كان تقريبا مليون و440 ألف
2:04يوان يعني أكثر من 200 ألف دولار.
2:07استقالتها وصلت للمدرسة بظرف من مدينة
2:10شنغهاي والمدرسة أعلنت للمعلمين أنها
2:13سافرت على أمريكا مع ابنها. كل هذا وهي
2:16مقتولة وملفوفة ب75 طبقة من النايلون
2:20والفحم من سبع شهور والكاميرتين موجهين
2:23عليها. التحقيقات كمان كشفت أنه الكمبيوتر
2:26والكاميرات اللي بالشقة مواصلين على
2:28تليفون وأنه صاحب التليفون من أي مكان
2:31بالصين بيقدر يفوت ويشوف مين دخل على
2:34الشقة وممكن أنه شافهم. وين ابنها ومين
2:37قتل الأم وكيف القاتل قدر يهرب 1380
2:41[موسيقى]
2:42يوم ببلد التقديرات بتقول أنه في 600
2:46مليون كاميرا مراقبة. استعدوا لحلقة
2:49نارية. للي عم يشوفوني لأول مرة أنا أبو
2:52الصادق وبحكي عن كل شيء غريب وغامض على
2:54كوكب الأرض. وكالعادة قبل ما نبلش تذكروا
2:57ما دامنا مقاطعين ومكملين. لا تصدق كل شيء
3:00حواليك وما النصر إلا من عند الله. اليوم
3:03راح نفتح واحدة من أغرب الملفات الجنائية
3:06بالصين. ملف اشتهر بشكل كثير كبير.
3:09التلفزيون الرسمي الصيني عرض تسجيل محاكمة
3:13هاي القضية ببرنامج اسمه المشهد. هاشتاج
3:16الحكم بهاي القضية بالصين تجاوز 240
3:20[غناء]
3:21مليون مشاهدة. مجلة من أشهر مجلات الصين
3:24حققت بالقضية سبع سنوات نشرت عنها 90 ألف
3:28كلمة. قضية اليوم لا بتخطر لا على البال
3:31ولا على الخاطر ومتأكد راح تطلعوا منها
3:33بنتيجة جدا مهمة. راح تعلمكم شيء جدا مهم
3:37بالحياة. استعدوا لحلقة فيها هروب وتحقيق
3:41وجريمة تفاصيلها أغرب من الخيال. اشتركوا
3:44بالقناة. فعلوا جرس الإشعارات. [موسيقى]
3:46لا تنسوا اللايك. لأنه زي ما بنقول دائما
3:50كل القصص وإن تشابهت مزة لما أحكيها أنا.
3:54لمشاهدة أفضل شاهد على يوتيوب تي في.
3:58البداية. بنفس اليوم اللي كسروا فيه الباب
4:01شرطة مدينة فوتشو فتحت تحقيق بالقضية.
4:04الطب الشرعي فحص الجثة وحددوا شغلتين.
4:07الأولى شيت يانشين ما ماتت موت طبيعي،
4:10انقتلت بضربات على رأسها.
4:18والشيء الثاني إنه الوفاة صارت من فترة
4:20طويلة من أكثر من سبع شهور. الشرطة بدأت
4:24تسأل مين هي هاي المرأة؟
4:31كان بدهم يعرفوا أكبر قدر من المعلومات
4:33ليفهموا ليش ممكن تكون مستهدفة. ليش ممكن
4:36حدا يقتل معلمة التاريخ؟ عرفوا أنها معلمة
4:39تاريخ من حوالي 20 سنة بتعلم بنفس
4:42المدرسة. المدرسة الثانوية الثانية
4:45الملحقة بمعهد فوتشو للتربية. ساكنة بسكن
4:49المعلمين داخل المدرسة بمنطقة جنان بمدينة
4:53فوتشو. عمارة رقم خمسة شقة رقم 102. زوجها
4:58ميرادومات قبل حوالي ست سنوات. [موسيقى]
5:00ومن يومها ربت ابنها وو شي يو. الشرطة
5:05صارت تستجوب الكل. طالبة قديمة درست عندها
5:08قالت أنها كانت قليلة الكلام وبتهتم
5:11بطلابها. سألوا زملائها قالوا إنه ابنها
5:14كان يتصل فيها دائماً ويسأل عنها. عرفوا
5:17إنه آخر واحد شافها كانت جارتها بالسكن.
5:20آخر مرة شافتها كانت قبل سبع شهور. شافتها
5:23واقفة مع ابنها قدام العمارة وبعدها ما
5:26[موسيقى] شافتها أبداً. لما وصل الدور
5:28بالتحقيق لأخوها. طلع تليفونه وأرجى
5:31الشرطة رسالة وصلته قبل تسع أيام من كسر
5:35الباب واكتشاف الجريمة. المسج كان من
5:38ابنها وو شي يو. مكتوب فيه أنا وأمي
5:41راجعين من بوسطن وبكرة رح نوصل لمحطة
5:44القطار في بوتيان. استنونا. الخال قال
5:48للشرطة احنا فعلاً رحنا استنيناهم بمحطة
5:51القطار ولما ما نزلوا من القطار خفنا
5:54عليهم وبلغناكم. الشرطة وقفوا عند هاي
5:57النقطة. بهذا المسج الابن كتب إنه أمه
6:01معه. وإنهم راجعين مع بعض من أمريكا.
6:03والطب الشرعي بيقول إنها ماتت هذا الموعد
6:06بكثير. يعني لما بعث المسج، المرأة كان
6:09لها ميتة سبع شهور. ليش ابنها ليكتب لخاله
6:12إنها معه؟ يا الابن كذاب، يا إما في حدا
6:15بيكتب من تليفونه. من هذه اللحظة، الشرطة
6:18بطلت تدور على ووشييو ابنها كمفقود فقط.
6:23دخلوه على دائرة الشك، صاروا يدوروا عليه
6:25كمشتبه فيه. أول شيء عملوه إنهم فتحوا
6:28ملفه. ووشييو عمره 21 سنة، درس بنفس
6:32المدرسة اللي أمه بتعلم فيها. طلع الأول
6:35على مدرسته بامتحان القبول للثانوية. دخل
6:38ثانوية فوتشو الأولى، وهي أقوى ثانوية
6:42بالمدينة. وظل الأول على صفه. زملاؤه
6:45كانوا يلقبوه بإله الدراسة. بآخر
6:47الثانوية، جامعة بكين قبلته بكلية
6:50الاقتصاد من دون ما يقدم امتحان القبول
6:53الوطني. كان نابغة. بعد سنتين، قدم امتحان
6:57القبول للدراسات العليا بأمريكا، وجاب
6:59علامة حطته بين أعلى 5% بالعالم. الشرطة
7:04رجعت لسجلاته، ولقوا إنه بنفس الشهر اللي
7:06ماتت فيه أمه، طلع من جامعته ببكين، وما
7:09رجع على سكنه هناك ولا مرة. آخر مرة
7:12استخدم فيها هويته كانت بفندق بمدينة
7:15فوتشو بعد الجريمة بحوالي ثلاث شهور،
7:18وبعدها سجله ما له وجود لا بفندق ولا
7:22بقطار ولا بطيارة. الشرطة تأكدوا إنه ما
7:26طلع من الصين، فمباشرة بدأوا البحث عنه
7:29بنظام سكاى نت. وأعرف إنك عم تسألني: شو
7:33يعني سكاى نت؟ الشرطة بالصين مش زي أي
7:36شرطة بالعالم. قبل هذه القضية بأكثر من 10
7:40سنوات، الحكومة الصينية بدأت ببناء نظام
7:43اسمه شبكة السماء. كاميرات بالشوارع، على
7:46الإشارات، بمحطات القطار، بالبنوك، بكل
7:49مكان. وكلها موصلة بغرفة تحكم عند الشرطة.
7:53الشرطي بيقعد قدام شاشة، وبيقدر يفتح أي
7:56كاميرا بالمدينة وهي شغالة، أو يرجع
7:58لتسجيلاتها. كل مواطن صيني من عمر 16 سنة،
8:02صورته، رقم هويته، موجودة بقاعدة بيانات
8:05الحكومة. يعني أي وجه بيمر من قدام
8:07الكاميرا النظام بيقدر يربطه باسم ورقم
8:11هوية. بوقت الجريمة النظام هذا كان مغطي
8:14بكين بنسبة 100% وبرا بكين كان فيه ملايين
8:18الكاميرات بباقي المدن. الشرطة دورت على
8:21ووشييو بتسجيلات الكاميرات. آخر صورة
8:24طلعتله كانت من كاميرا صراف آلي على
8:27الساعة 11:00 بالليل تقريباً قبل يوم من
8:29المسج اللي انبعث لخاله. ووشييو كان حي
8:32وبالصين واقف بيسحب فلوس صراف آلي. هون
8:36زادت شكوكهم فيه. بما إنك عايش وأمورك
8:39تمام وما حدا خاطفك ومش مبلغ عن سرقة
8:42تليفونك وبعده معك وعم تسحب فلوس بشكل
8:44عادي. ليش عم تكذب بالرسالة اللي بعثتها
8:47لخالك؟ ليش بينت إنه أمك عايشة والدنيا
8:49تمام مع إنها ميتة من سبع شهور؟ هون
8:52الشرطة نشروا إعلان رسمي بإنه ووشييو
8:55[موسيقى] هو المشتبه الرئيسي بجريمة قتل
8:58وإنه هارب. حطوا مكافأة 50,000 يوان.
9:02علقوا الإعلان بكل مكان حتى على باب
9:04مدرسته اللي كانت أمه تعلم فيها. ومن
9:07وقتها بدأت المطاردة. الشرطة علقت صورته
9:10وحطت مكافأة لكن بهديك اللحظة همي كانوا
9:13شاكين فيه ومعتبرين إنه هو مشتبه فيه
9:16رئيسي لكنهم مش متأكدين إنه هو القاتل.
9:19كذبة بمسج ما بتثبت إنه هو اللي قتل أمه.
9:22بالنهاية هذا اتهام جداً كبير. فكملوا
9:25التحقيق بلكي طلع معهم دليل أقوى. قالوا
9:28اللي عمل هي الجريمة استعمل أغراض كثير.
9:31نايلون، فحم، كاميرات، جهاز إنذار. وكل هي
9:34الأغراض أكيد انشرت من مكان. دوروا إذا
9:37ووشييو اشترى من هي الأشياء عبر الإنترنت.
9:40ومشتريات أي شخص على الإنترنت بتكون
9:43محفوظة بحسابه عند شركات التسوق. والشركات
9:47هي ما بتعطي هي المعلومات لأي حدا. لكن
9:50بالصين القانون بيجبر أي شركة إنها تسلم
9:54الشرطة أي دليل بتطلبه بتحقيق جنائي.
9:57فطلبوا من مواقع التسوق سجلات مشتريات
10:00ووشييو. وبالسجل لقوا طلبات من قبل
10:04الجريمة ب أسبوعين تقريباً. سكاكين من
10:07أكثر من نوع، مشارط جراحة، شفرات منشار,
10:11قماش ضد المي, نايلون, بدلات واقية, زي
10:15اللي بيلبسوها بالمستشفيات, لبس أطباء
10:18وممرضين. وبعد الجريمة بيومين, كان في
10:21طلبات جديدة على مدار 12 يوم. طلب عشرات
10:25المرات فحم منشط, وهو نوع فحم بيمتص
10:28الروائح, نايلون, وأكياس تفريغ هوا. هيك,
10:32الشرطة صار عندهم دليل إنه الإبن ما كذب
10:35فقط, الإبن كان مجهز للجريمة وللي بعد
10:38الجريمة. بنفس الوقت, قرايبه ورجوا الشرطة
10:42الرسائل اللي وصلتهم بعد الجريمة. أقاربه,
10:45أجاهم رسائل من ووشييو, قالهم فيها إنه
10:49إنقبل كطالب تبادل, يعني رح يدرس فترة
10:52بجامعة برا البلد. والجامعة هاي, هي معهد
10:55ماساتشوستس للتكنولوجيا, وهي من أقوى
10:58جامعات العالم. ما حدا شك, لأنه الكل
11:01بيعرف قديش هو متفوق. قالهم إنه أمه رح
11:03تسافر معه, وتضلها جنبه. قالوا إنه بعد
11:06هذا الكلام, صار يجيهم رسائل بإسم الأم,
11:10بتطلب فلوس, مصاريف معيشية, ورسوم دراسية,
11:14ومبلغ لازم يكون موجود بالحساب عشان
11:16السفارة الأمريكية تعطيهم الفيزا. وكل
11:19هذا, كان عم بيجيهم بعد ما ماتت الأم بـ
11:2213 يوم. كمان في مبلغ تم جمعه, من أصحاب
11:26زوجها المتوفى. وبرضو الرسائل, إجت بإسم
11:30الأم. تخيلوا إنه من الأقارب وأصحاب
11:33العائلة, تم جمع مبلغ وصل لـ 1.4 مليون
11:37يوان, من 220 ألف دولار. تخيلوا إنه بآخر
11:42الشهر اللي صارت فيه الجريمة, في واحد من
11:44المعلمين, شاف ووشييو بالمدرسة. بهداك
11:48الوقت, المفروض إنه الأم مقتولة. هذا
11:51المدرس, قال إنه سمع ووشييو وهو عم بيحكي,
11:54إنه رايح على أمريكا. وبالشهر اللي بعده,
11:57المدرسة, أجاها طلب إستقالة الأم. كان
12:00مكتوب بخط بيشبه خطها. وبعد شهرين, وصلهم
12:04ظرف من شنغهاي, فيه الإستقالة الرسمية.
12:07القضية هاي, إنتشرت بالصين بسرعة خيالية.
12:11والإعلام, سماها قضية طالب جامعة بكين.
12:14أقارب وو شي يو صاروا يدوروا على
12:17الإنترنت. كانوا بيدوروا على أي شيء بيخص
12:19القضية. ما حدا مقتنع إنه هذا البني آدم
12:22ممكن يكون قتل أمه. الموضوع مش مقنع
12:25أبداً. لقوا رسائل على موقع اسمه بايدو
12:28تشي داو. موقع صيني بتقدر تحط عليه سؤال
12:30من دون ما تظهر مين أنت. والناس بتقعد
12:33تجاوبك. السؤال كان منشور بعد الجريمة
12:35بأسبوعين. مكتوب فيه: الأب مات بالمرض.
12:39الأم تم قتلها على إيد ابنها. هل يحق
12:42لأقارب الضحية يرفعوا قضية تعويض على
12:45الابن؟ السؤال ما عليه اسم. وما في دليل
12:48رسمي مين كتبه. لكن أقاربه شكوا فعلاً إنه
12:51هو. لأنه التفاصيل نفس اللي صار بعائلتهم
12:55بالضبط. بعد ثلاث شهور من اكتشافهم
12:57للجريمة. شرطة مدينة شانغتشياو بمقاطعة
13:01خينان بوسط الصين. نشروا إعلان جديد.
13:04قالوا فيه إنه وو شي يو ممكن يكون هرب
13:08لمدينة خينان. وخينان هي نفس المقاطعة
13:11اللي فيها الصراف الآلي اللي ظهرت صورته
13:14فيه. بعد هذا الإعلان انقطعت كل أخباره.
13:18تبخر. مرت سنة وسنتين. والشرطة بكل
13:22أنظمتها وكاميراتها ما قدروا يوصلوا له.
13:24ملف القضية ضل مفتوح من دون أي خيط جديد.
13:28وين اختفى وو شي يو كل هذا الوقت؟ الجواب
13:31انعرف بعدين. وإحنا عشان نعرف لازم نرجع
13:34لورا. لليوم اللي طلع فيه من مدينة فوتشو
13:37بعد الجريمة. وو شي يو طلع من مدينة فوتشو
13:40اللي قتل فيها أمه. ومعه الفلوس اللي
13:43جمعها من قرايبه وأصحاب العائلة. بهاي
13:46الشهور ما حدا كان عم بيدور عليه. لأنه ما
13:48حدا كان يعرف إنه أمه مقتولة. قضى فترة
13:51بمدينة شانغهاي. وهي أكبر مدن الصين. بهاي
13:54الفترة كان عم بيصرف بسرعة غريبة. بعد
13:58الجريمة بأربع شهور صرف على اليانصيب 580
14:02ألف يوان. يعني حوالي 90 ألف دولار. كان
14:05عايش مع صديقة بيصرف عليها. بعث لها على
14:09تطبيق علي باي. وهو تطبيق بيستعملوه
14:11الصينيين بدل الكاش. بيدفعوا بيحولوا
14:14عليه. حول لها عليه بـ 200,000 يوان، يعني
14:17أكثر من 30,000 دولار. صرف آلاف اليوانات
14:21على علاقات مع النساء. ظلوا عايش هيك لحد
14:24ما انكشفت الجريمة. وصوره صارت معلقة بكل
14:28مكان. هون، بحسب مصادر قريبة من التحقيق،
14:31ووشييو شعر إنه المدينة الكبيرة اللي على
14:34البحر صارت خطيرة عليه، فركب باص وراح على
14:38مدينة بقلب الصين، مدينة تشانغتشيانغ.
14:42كانت بعيدة 1,300
14:44كم عن مدينة فوتشو اللي قتل أمه فيها.
14:47يعني المسافة عشان تتخيلوها، زي من عمان
14:50للرياض. الغريب إنه اختار هاي المدينة
14:53لأنه بسنة 2019 طلع تقرير بيحكي إنه هي
14:57أكثر مدينة مراقبة بالكاميرات بكل العالم،
15:01بحسب تقرير موقع أبحاث بريطاني اسمه
15:04كومبارتك. هاي المدينة فيها أكثر من 2.5
15:07مليون كاميرا. كيف قدر يعيش بمدينة زي هاي
15:10من دون ما ينمسك؟ لأنه كان معه هويات
15:13حقيقية لناس ثانيين، اشتراها من الإنترنت.
15:17بأي مكان كان يطلبوا هوية، كان يسجل باسم
15:20غير اسمه. ولازم تعرفوا إنه مش كل كاميرا
15:23بالصين بتتعرف على الوجوه لحالها.
15:26الكاميرا بتصور، والصور بتضلها محفوظة،
15:29لكن ما حدا بيشوفها إلا إذا الشرطة دورت
15:31بهداك المكان بالذات. المهم، بهديك
15:34المدينة فلوسه خلصت. صار يشتغل شغلتين.
15:37بالنهار اشتغل بمركز تدريس خصوصي، وبالليل
15:41اشتغل شغلة كلكم رح تستغربوها. تخيلوا إنه
15:44بالصين في بارات ونوادي ليلية بتشغل شباب
15:47وبنات فقط ليقعدوا مع الزباين، يسهروا
15:50معهم، يشربوا معهم، ويحكوا معهم. والزبون
15:54بيدفع للبار مقابل إنه في حدا ييجي ليقعد
15:57معاه ويسليه. هذا اللي كان يشتغله ووشييو
16:00بالليل. القعدة الواحدة كان ياخذ عليها ما
16:02بين 500 لـ 700 يوان، يعني من 70 لـ 100
16:06دولار. بالبار كان يعرف حاله باسم شياو
16:09لونغ. زملاؤه قالوا إنه كان هادي، ما
16:12بيدخّن،
16:13وجهه دائماً بيضحك. زملاؤه اللي كانوا
16:16معاه بالبار قالوا إنه مرات كان يحكي
16:18للزباين إنه طالب بجامعة تشينغوا، وهي من
16:21أقوى جامعات الصين. الكل كان يضحك وكان
16:24يعتبرها نكتة. ما حدا فيهم كان يعرف إنه
16:27هو فعلًا نابغة، وإنه هذا الشاب مطلوب
16:29بقضية قتل، وإنه الضحية أمه، وإنه مر ثلاث
16:34سنوات على هروبه. بهي المدينة اللي كان
16:36عايش فيها، العالم كان عم بيتغير حتى من
16:39دون ما هو ينتبه. مطارات الصين صار فيها
16:42تفتيش على باب المبنى نفسه، قبل حتى لصالة
16:46المسافرين. أي حدا كان يقرب من المطار أو
16:49يدخل عليه لأي قاعة، كانت الكاميرات
16:52تصوره. حتى لو أنت مش مسافر، حتى لو إنك
16:55فقط زائر للمطار. مطار مدينة تشونغتشينغ
16:59ركب على كل بوابات التفتيش نظام جديد
17:02للتعرف على الوجوه. كاميرات بتصور وجه كل
17:05بني آدم بيدخل وبتقارنه مباشرة بصور
17:08المطلوبين عند الشرطة. وإذا كان في تطابق،
17:11تبعث تنبيه لشرطة المطار. بفجر يوم 20
17:15أربعة عام 2019، وو شي يو وصل على مطار
17:19تشونغتشينغ. كان رايح يودع حدا بيعرفه.
17:22وقف عند البوابة رقم ثلاث يستنى دوره على
17:25[موسيقى] التفتيش. إيده كانت على كتف
17:28امرأة وهو مبتسم. خلال هي الدقائق اللي
17:30وقفها، الكاميرا صورت وجهه أربع مرات.
17:34وبكل مرة، نسبة التطابق بين وجهه وبين
17:38صورة وو شي يو اللي موجودة بقاعدة بيانات
17:41الشرطة كانت 98%.
17:43النظام بعث تنبيه. خلال عشر دقائق، الشرطة
17:47كانت واقفة قدامه. طلبوا هويته، فطلع هوية
17:50باسم شخص ثاني من عائلة تشو. لكن الوجه
17:53اللي قدامهم بيحكي إنه هذا البني آدم هو
17:56وو شي يو، نفس الوجه اللي بإعلان المطلوب
17:59القبض عليه من ثلاث سنوات. أخذوه على مركز
18:02شرطة المطار وبالتفتيش لقوا معه أكثر من
18:0530 هوية لناس ثانيين حقيقيين. سلموه لشرطة
18:09فوتشو، المدينة اللي صارت فيها الجريمة.
18:13بعد أسبوع واحد من إلقاء القبض عليه،
18:15قعدوا معه أول تحقيق وكانت مدته ثمان
18:19ساعات. وهون كانت اللحظة اللي الكل
18:22مستنيها. سألوه عن أمه، والمفاجأة
18:24[موسيقى]
18:25إنه ما أنكر إنه قتلها، لكن لما سألوه ليش
18:28وكيف وشو عمل بعدها ما جاوب. بحسب الصحافة
18:32الصينية كان يحكي بحماس لما يحكوا عن
18:34مواضيع علمية زي الثقوب السوداء بالفضاء،
18:37ولما يرجعوا يسألوه عن أمه يهرب من
18:40الجواب. بالصين المتهم بقضية ممكن توصل
18:43لإعدام إذا ما وكل محامي الدولة لازم
18:46تعينله محامي يدافع عنه. ووشييو رفض. رفض
18:50حتى إنه يقابل هذا المحامي. قال أنا ما
18:52بدي حدا يدافع عني. بعد 37 يوم من القبض
18:55عليه النيابة بمدينة فوتشو وافقت على
18:59توقيفه رسمياً، وصار متهم رسمي قدام
19:02القانون بثلاث تهم: القتل العمد،
19:04والاحتيال على أقاربه وأصحاب أبوه، وشراء
19:07وبيع هويات ناس ثانيين. لكن السؤال اللي
19:11كانت الصين كلها بتسأله ضل بدون جواب
19:14بهديك الفترة. ليش شب بهذا الذكاء قتل
19:18أمه؟ الجواب ما حدا عرفه إلا بعد سنة و8
19:22شهور من توقيفه بقاعة المحكمة. يوم
19:25المحاكمة ووشييو دخل على المحكمة الشعبية
19:28المتوسطة بمدينة فوتشو، وهي المحكمة اللي
19:31بيتم النظر فيها بالقضايا الكبيرة
19:32بالمدينة زي القتل اللي هو عامله واللي
19:35عقوبته رح تكون إعدام. بالقاعة كان قاعد
19:38قدام خاله وقريب ثاني إله وصاحب قديم
19:41لأبوه. الجلسة استمرت ثلاث ساعات. النيابة
19:44رجعته للبدايه لقبل الجريمة بشهور. قال
19:47إنه بهديك الفترة بدأت فكرة إنه يقتل أمه
19:50تدور براسه وبدأ يخطط لها. من ضمن الأشياء
19:53اللي اشتراها قبل الجريمة هويات لناس
19:56ثانيين. لما قالوا له ليش اشتريت الهويات
19:58قبل الجريمة؟ قال أنا كنت محتار بين
20:00خيارين: يا إما بنهي حياتي مباشرة بعد ما
20:03أقتلها، يا إما بهرب. مشان هيك اشتريت
20:05الهويات إذا احتجتهم بنفعوني، وإذا ما
20:08احتجتهم مش خسران شي. بعدها اختار اليوم
20:11اللي بده ينفذ فيه الجريمة يوم 10/7 عام
20:152015. والسبب إنه عكس تاريخ يوم عيد
20:19ميلاده 7/10. اختار التاريخ المقلوب.
20:22بهداك اليوم شيتيانشين أمه كانت راجعة من
20:25حفل تخرج طلابها بالمدرسة على الساعة 5:00
20:28العصر تقريباً. فتحت باب البيت، ووطت
20:32لتخلع حذاءها، وهون ابنها ضربها على رأسها
20:35بقضيب الحديد اللي بتركب عليه أوزان
20:38الدمبل. ضل يضرب لحد ما ماتت. وهو بيحكي
20:41عن هي اللحظة بالمحكمة جسمه صار يرجف
20:44وانهار من البكاء. صار يعتذر لأبوه
20:47[موسيقى] وأمه. قال إنه كان مخطط ينهي
20:49حياته بعدها مباشرة. لكن لما شاف أمه
20:51قدامه بهذا المنظر خاف. ما قدر إنه
20:54يعملها. قال إنه وقتها كان يرجف ويقول:
20:57مرعب، مرعب. وبدل ما ينهي حياته غطى الجثة
21:01بالأواعي والأحرامات اللي بالبيت، وطلع
21:03نام بفندق قريب. رجع بعد يومين على البيت،
21:06وبدأ يطلب نايلون وفحم من الإنترنت. خلال
21:09هي الأيام كان ييجي كل يوم على الشقة،
21:12ينظفها، وينظف الجثة، ويلف الجثة بطبقات
21:15النايلون والفحم لحد ما صاروا 75 طبقة.
21:19لما سألوه ليش كان ينظف الشقة كل يوم، قال
21:22إنه أبوه كان بيحب النظافة، وهو ما كان
21:24بده يوسخ البيت. بعد ثلاث أسابيع طلع من
21:27مدينة فوتشو اللي عمل فيها الجريمة. ولما
21:29وصلوا لأهم سؤال: ليش؟ ليش قتلت أمك؟ شو
21:33اللي بيخلي إنسان يقتل أمه اللي المفترض
21:36إنها هي أغلى إنسان على قلبه؟ قال إنه من
21:40يوم ما مات أبوه بسرطان الكبد وهو كان
21:43بعده طالب بالثانوية البيت ما عاد بيت.
21:46بطل فيه روح. قال أبوي كان هو البيت. وقال
21:49إنه لما راح على جامعة بكين الدنيا صارت
21:53تسود بعينيه أكثر. حاول ينهي حياته أكثر
21:56من مرة، وصار يروح على المستشفيات. كان
21:58مقتنع إنه معه نفس مرض أبوه. ومع إنه
22:01الأطباء كانوا يقولوا له إنه عنده اضطراب
22:03بسيط بدقات القلب مش مرض. قبل الجريمة بكم
22:06شهر كبرت الفكرة براسه. فكرة إنه هو وأمه
22:10يموتوا مع بعض عشان يلحقوا أبوه. قال إنه
22:13هو كان مقتنع إنه أمه كمان بدها تموت.
22:16والسبب بنظره أشياء كانت هي تحبها. زي
22:19ليزلي تشونغ. مغني وممثل من هونغ كونغ
22:23كانت أمه معجبة فيه. هذا البني آدم أنهى
22:25حياته، ففكر إنه هي بدها تعمل زيه. وأمه
22:28كمان كانت تحب بطلة رواية صينية قديمة
22:32ومشهورة اسمها حلم الغرفة الحمراء. رواية
22:35بتحكي عن شابة بتموت وهي حزينة. قال يمكن
22:38أمي كان بدها تموت زيهم. مع كل هذا قال
22:40إنه أمه ما كان فيه بينه وبينها أي مشكلة،
22:44وإنها كانت من أفضل الناس بالدنيا معه.
22:47قال إنها كانت تخبي عنه همومها عشان ما
22:49تشغله عن دراسته. وبالنسبة للفلوس اللي
22:52أخذها من أقاربه أو أصحاب أبوه، قال إنه
22:55كان بده ينتقم منهم لأنه شايف إنهم ما
22:57ساعدوا أبوه لما مرض. والمشكلة إنه بعد
23:00شوي رجع قال إنهم كانوا دائمًا مناح معه،
23:03وإنه هو اللي غلطان. المعضلة إنه بالصين
23:06إذا أهل الضحية سامحوا القاتل، القاضي
23:09ممكن يأخذ هذا الشيء بعين الاعتبار ويخفف
23:12الحكم. لكن بهاي القضية أهل الضحية هم
23:15نفسهم أهل القاتل. خاله اللي انتصب عليه
23:18بأكبر مبلغ قال: أنا مسامحه، ما بدي أشوف
23:22ابن أختي بينحكم بالإعدام. تخيلوا إنه
23:25ووشي يو بآخر الجلسة وقف وقال: احكموا علي
23:29حكم ثقيل، لكن أنا بعدني قادر أشتغل، وبدي
23:32أكتب قصتي عشان تكون عبرة للناس. يعني عبر
23:36لهم عن رغبته بأنه هو ما بده يموت. القاضي
23:39رفع الجلسة وما أعلن الحكم، والكل
23:42[موسيقى] ظل مستني شو راح يكون مصيره. بعد
23:45ثمان شهور من الجلسة المحكمة رجعت انعقدت،
23:48والقاضي أعلن الحكم: الإعدام.
23:53بالإضافة للإعدام حكم عليه بـ 11 سنة سجن
23:56على الاحتيال، ثلاث سنوات على شراء
23:58الهويات، وغرامة 103,000 يوان، يعني حوالي
24:0216,000 دولار. لكن كل هذا مش مهم، المهم
24:06الإعدام. باقي الأحكام ما إلها معنى، حبر
24:09على ورق. المحكمة قالت إنه خطط لجريمته
24:12وقت طويل، وإنها جريمة قاسية تهدم أهم
24:15علاقة بين البشر، علاقة [موسيقى] الابن
24:18بأمه. وإنه اعترافه بكل شيء ما بكفي ليخفف
24:21الحكم. بعد الحكم بيومين التلفزيون الرسمي
24:23الصيني نشر تسجيلات من جلسات المحاكمة،
24:26والقضية انتشرت بالصين كلها. ووشي يو
24:29استأنف الحكم. ما اعترض ولا على معلومة من
24:32الوقائع. اعتراضه كانت على الحكم نفسه.
24:35قال إنه بده يضل عايش. قال أنا بدي أكفر
24:37عن اللي عملته. المحامين اللي معه طلبوا
24:40من المحكمة تعمل له فحص نفسي. اللفة
24:42المعتادة على القانون مشان نطلعه مريض
24:44نفسي وما ينعدم. قالوا بدنا نشوف إذا كان
24:47هذا البني آدم مسؤول عن أفعاله وقت
24:49الجريمة ولا كان عنده مرض منعه إنه يميز
24:52شو اللي عمله. لكن المحكمة رفضت. قالت إنه
24:55ما في أي دليل يستدعي هذا الفحص. ووشي يو
24:59من السجن صار يبعث رسائل اعتذار لجدته
25:02وخاله وخالته. بوحدة من الرسائل كتب لهم
25:05إنه الشقتين اللي ورثهم عن أبوه وأمه راح
25:07يعطيهم إياهم. قال أنا ما بدي شيء. بعد
25:10سنة وتسع شهور من الحكم الأول محكمة
25:13الاستئناف رفضت طلبه. ثبتت حكم الإعدام.
25:17قالت إنه وقت الجريمة كان بكامل وعيه
25:19وقادر يتحكم بتصرفاته. والناس اللي حضروا
25:23الجلسة قالوا إنه لما سمع الحكم ضل مصدوم.
25:26ما حكى ولا كلمة. بالصين ولا حكم إعدام
25:29بتنفذ إلا لما توافق عليه المحكمة العليا
25:32بالدولة. بعثوا هذه القضية للمحكمة
25:34العليا. وقبل التنفيذ بثلاث أسابيع ووشي
25:38يو بعث للقاضي اللي عم بدرس ملفه بالمحكمة
25:40العليا اعتراف من 79 صفحة. وكان فيه
25:45اعتذار عن كل اللي عمله. وكان فيه شكر
25:47للسجانين اللي كانوا يتعاملوا معه برحمة.
25:50ومع كل هذا المحكمة العليا طنشت كل هذا
25:53الحكي وصادقت على حكم الإعدام. قالت إنه
25:56الجريمة قاسية وبشعة. بتاريخ 31/1 عام
26:002024
26:01قبل عيد رأس السنة الصينية بـ 10 أيام.
26:05وهذا أكبر عيد عند الصينيين. بتجمعوا فيه
26:08كل العيلة. المحكمة بمدينة فوتشو اللي عمل
26:11فيها الجريمة بلغوه بإنك بتقدر تطلب تشوف
26:14أهلك لآخر مرة. لكنه ما طلب. بنفس هذا
26:17اليوم تم تنفيذ حكم الإعدام فيه. وكان
26:20عمره 29 سنة. وهيك اتسكر ملف ووشي يو بعد
26:25أكثر من ثمان سنوات. الآن المفروض إنه
26:28القصة انتهت. لكن في شيء أهم من القصة
26:31نفسها، أثناء البحث وصلنا له، وضروري جداً
26:34إني أحكي لكم عنه. ما تفكر أي كلمة من
26:36اللي بدي أحكيهم الآن هو تبرير للجريمة
26:39اللي هو عملها، لكنهم تحضير للشيء اللي
26:42وصلنا له ولازم تعرفه. ما في أي شيء
26:44بالدنيا ببرر الجريمة اللي عملها، لكن
26:47بدنا نفكر مع بعض عن قبل [موسيقى] الجريمة
26:49بخمس سنوات. طالب ثانوية عامة شاف أبوه
26:52بموت بالمرض، ما كان قادر إنه يعمل أي
26:54شيء. من بعدها كل اللي حواليه ما كانوا
26:56شايفين إلا ولد شاطر وعلاماته عالية
26:59بالمدرسة، وكانوا شايفين جامعة بكين وأعلى
27:025% بالعالم وهذا الحكي كله. بنفس هاي
27:05السنوات هو كان عم بحاول ينهي حياته، كان
27:08عم بروح عالمستشفيات مقتنع إنه رح يموت زي
27:11أبوه، وكان برضه ما حدا منتبه له. أمه
27:14كانت تخبي عنه همومها عشان ما بدها تشغله
27:17عن دراسته، وهو كان [موسيقى] يخبي عنها
27:19اللي جواته. قال إنه بإجازة الشتاء قبل
27:22الجريمة فكر إنه يحكي لها كل شيء، لكنه ما
27:24قدر. لما البني آدم يحزن على حدا غالي،
27:27لما بيطول الحزن وما بخف، هذا الشيء له
27:30اسم بالطب، وهي هي المعلومة اللي لازم
27:33تعرفوها. والمنظمة الصحة العالمية صنفت
27:36هذا الشيء كاضطراب رسمي اسمه اضطراب الحزن
27:39المطول، الحزن اللي بضل بنفس القوة أكثر
27:43من ست شهور بعد موت أو بعد أي حالة اللي
27:46بوقف حياة صاحبه. بحسب مراجع علمية لعدد
27:50كبير من الدراسات، تقريباً في واحد من كل
27:52عشرة بخسروا حدا غالي عليهم بصيبهم هذا
27:56الاضطراب. ووشييو كان معه هذا [موسيقى]
27:58الاضطراب. المحكمة رفضت إنها تفحصه لأنه
28:01عمل شيء جداً بشع، وبنظري قرار المحكمة
28:04صحيح، لكن قصته بتفتح عيوننا إحنا على
28:07اللي بصير بكثير من بيوتنا من دون ما
28:09ننتبه عليه. إذا بتعمل بحث عن هذا الموضوع
28:12رح تلاقي إنه في أكثر من 720,000
28:15إنسان بنهوا حياتهم كل سنة، وإنه الموت
28:18بهي الطريقة هو ثالث [موسيقى] سبب للموت
28:21بالعالم. لمين؟ للشباب من عمر 15 لـ 29
28:25سنة. اللي بدي إياكم تعرفوه إنه الولد
28:27الشاطر اللي علاماته كاملة [موسيقى] و ما
28:28بشتكي، مش شرط يكون بخير. العلامة بتقيس
28:31هو شو بيعرف، مش هو شو شاعر. إذا عندكم
28:34إبن أو أخ أو صاحب خسر حدا غالي عليه, لا
28:37تكتفوا فقط بإنكم بتدعموه إنه هو شاطر
28:40بالمدرسة. إسألوه بطريقة جد تعرفوا إذا هو
28:43حزين من الداخل أو لا. أي واحد فيكم شاعر
28:46إنه في عنده حزن, إحكي مع أهلك, إحكي مع
28:49حدا مختص. الحكي مش ضعف, السكوت ممكن يكبر
28:53جواتك لحد ما يصير كارثة. شيتيان شين,
28:55المعلمة اللي بدأنا الحلقة بصورتها, عاشت
28:58لحالها مع إبنها خمس سنوات بعد موت زوجها.
29:01كان كل همها إنه يكون إبنها بخير, وهي
29:03اللي ماتت على إيده. فانتبهوا إنه يكون
29:06دائماً اللي حواليكم عايشين بصحة نفسية
29:09تمام. هاي كانت قصتنا لليوم, بتمنى تكون
29:12عجبتكم, إستفدتوا منها, وتعلمتوا منها
29:14شيء. إحكولي بالتعليقات مين فيكم بشعر إنه
29:17في حدا بحياته حزين لدرجة إنه فعلاً محتاج
29:20مساعدة. وهل بتشوفوا إنه في أي سبب في
29:23الدنيا دافع لهيك جريمة؟ هل في أي شيء
29:26بالدنيا بخلي الإنسان يفكر بهي الطريقة؟
29:28اللي بعرفه ومتأكد منه هو شيء واحد. قربك
29:31من ربنا ومن الدين, صلاتك, قادرة تحميك من
29:35هاي الأشياء. إذا بتحبوا هذا النوع من
29:36الفيديوهات, بنصحكم تشوفوا قصة وحش بيتسا,
29:39حكينا فيها عن قاتل أرعب موسكو لسنوات,
29:43وكمان ما حدا تخيل إنه هذا هو يكون
29:45القاتل. أنا صادق.
29:48سلام, أشوفكم بفيديو جديد.

About this transcript

This page contains the full transcript of المجرم الذي استطاع الاختفاء في اكثر دولة مراقبة بالكاميرات في العالم by Abulsadiq - ابو الصادق, generated from the public captions YouTube serves with the video. The transcript has 4,005 words across 578 segments, with the original timestamps preserved so you can click any line to jump to that moment in the embedded player.

What you can do with it

Use the transcript to take notes, quote the speaker, build a study guide, generate a summary with ChatGPT or Claude via the YouTube Summary tool, or export it as a timed subtitle file with YouTube to SRT. You can also re-open it in the transcriber to choose a caption track available on the video.

Free YouTube transcript tool

YouTube2Text is a free YouTube transcript generator — no signup, no daily limit. Paste any YouTube link and get the full transcript instantly, with timestamps, click-to-jump, caption language selection, AI prompts for ChatGPT, Claude, and Gemini, and exports to TXT, SRT, VTT, or Markdown.