وش بنلقى لو نزلنا لقاع البحر؟ — Transcript
Full transcript
- 0:00الساعة 6:00 الصبح في نص المحيط الهادي.
- 0:04والبحر ساكت كأنه نايم.
- 0:07وتحت هالسطح الهادي فيه أعمق نقطة على
- 0:11كوكب الأرض.
- 0:1211 كيلو لتحت.
- 0:14لو تاخذ جبل إيفرست وتحطه هناك بيختفي.
- 0:18وبيبقى فوق رأسه أكثر من كيلوين مويه.
- 0:22واليوم بننزل لها.
- 0:25هذا الكابتن. نزل البحر أكثر مما نزل
- 0:28السوق.
- 0:30وهذا سعود أول مرة.
- 0:32وقبل ما يركب سعود سوى شيء غريب شوي. أخذ
- 0:36كوب فلين كتب عليه اسمه.
- 0:39وحطه في سلة برا الغواصة.
- 0:41الكابتن شافه وما قال ولا كلمة.
- 0:45تذكروا هالكوب.
- 0:47يتسكر الباب.
- 0:49والمويه تطلع على الشباك.
- 0:51والرحلة لتحت قرابة أربع ساعات. نزول بس.
- 0:57أول كم متر كل شيء أزرق ومضيء وحلو.
- 1:02بس شماغ سعود فيه شيء غلط.
- 1:04الأحمر اللي فيه يبهت. يصير بني. يصير
- 1:08رمادي. كأن أحد مسح لونه.
- 1:13ورجع الأحمر.
- 1:15شماغ ما تغير. الضوء هو اللي تغير. البحر
- 1:19يأكل الألوان واحد واحد. وأول لون يأكله
- 1:23الأحمر.
- 1:24يعني هنا تحت لو انجرحت دمك بيطلع لك
- 1:28غامق. شبه الأسود.
- 1:31لا تجربها.
- 1:33ننزل أكثر. والأزرق يغمق ويغمق.
- 1:37وبعد كمية متر الشمس تصير ذكرى.
- 1:41والمويه برا قريبة من برودة الثلاجة.
- 1:44والغواصة تبرد معها.
- 1:46سعود جاء متوقع البحر دافي. والكابتن واضح
- 1:50إنه سمع هالكلام قبل.
- 1:52بس سعود انتبه لشيء غريب على القزاز. حاول
- 1:56يمسحها. بس النقاط ما راحت، لأنها مو
- 1:59أوساخ. هذه ملايين الكائنات الصغيرة،
- 2:03نازلة معهم لأعماق البحر.
- 2:06طول الليل كانت فوق، قرب السطح، تاكل
- 2:09والظلام يغطيها. وأول ما يطلع الفجر، ترجع
- 2:12تنزل تتخبى في العتمة. كل يوم، رايح جاي.
- 2:17وهي أكبر رحلة تصير على كوكب الأرض، وإحنا
- 2:20فوق ولا ندري عنها.
- 2:23وبينهم ظل ضخم ينزل على مهله.
- 2:26حوت عنبر، نازل يدور على عشاه، وعشاه
- 2:30أحيانًا حبار عملاق.
- 2:34ومع آخر شوية ضوء، تمر سمكة صغيرة فضية،
- 2:37بطنها يضوي.
- 2:39وفكرتها ذكية، في هالعمق، أي سمكة تمر
- 2:42تسوي ظل، والصياد اللي تحتها يطالع فوق،
- 2:46ويشوف ظلها على آخر ضوء نازل.
- 2:49فهي تضوي بطنها بنفس لون الضوء اللي
- 2:52فوقها، وبنفس قوته.
- 2:54والظل يختفي.
- 2:56تمويه بالنور.
- 2:59وكل ما ننزل، الضوء يخف، والزحمة تخف.
- 3:03وسعود بدأ يقتنع أن اللي بعد هذا فاضي.
- 3:081000 متر.
- 3:09من هنا وتحت، ما فيه شمس، ولا شوي.
- 3:13والكابتن عنده عادة عند هالعمق.
- 3:16ظلام.
- 3:19ظلام كامل.
- 3:23وبعدين، نقطة.
- 3:25نقطة زرقاء بعيدة.
- 3:28وبعدها ثانية وثالثة.
- 3:31طلع الظلام هذا مو فاضي، بس مطفي.
- 3:36أغلب اللي عايش هنا يصنع ضوءه بنفسه. فيه
- 3:39اللي يضوي عشان يصيد، وفيه اللي يضوي عشان
- 3:42يخوف، وفيه اللي يضوي عشان يلقى له شريك.
- 3:46وهناك سلسلة نور طويلة تمر بعيد، أطول من
- 3:50الغواصة بكثير.
- 3:52وهي مو حيوان واحد هي مستعمرة كاملة ماسكة
- 3:56في بعض وعايشة كأنها جسم واحد.
- 3:59وفي الزاوية ضوء صغير يتمايل لحاله. وسعود
- 4:04عجبه.
- 4:06قاعدة بسيطة هنا تحت إذا شفت ضوء حلو اسأل
- 4:10نفسك أول وش اللي ماسكه؟
- 4:13ونكمل نزول
- 4:15وفي ضوء الكشافات يبدأ يطيح شيء أبيض.
- 4:19ثلج.
- 4:20سعود اللي عمره ما شاف ثلج في الرياض أول
- 4:23ثلج يشوفه في حياته على عمق 2000 متر.
- 4:28بس خليني أخرب عليك اللحظة هذا مو ثلج.
- 4:31هذا فتات بقايا كائنات ميتة وقشور و
- 4:36فضلات وأنتم بالكرامة
- 4:39تنزل من فوق طول الوقت. يمكن تقرف بس
- 4:43هالفتات هو الأكل الرئيسي لأغلب اللي تحت
- 4:47اللي فوق يطيح واللي تحت ينتظر.
- 4:52وبعد ساعتين أخيراً أرض.
- 4:55طين ناعم تلمسه [تنحنُح] الغواصة يطير
- 4:58كأنه دخان وينزل على مهله.
- 5:02وقدامنا صحراء رمادية ما لها آخر.
- 5:06وهذه سعود يعرفها زين.
- 5:09بس الصحراء هذه فيها جيران أبطأ جيران
- 5:13ممكن تقابلهم.
- 5:15خيار بحر يمشي
- 5:17أيوه يمشي.
- 5:19وسمكة واقفة على زعانفها الطويلة كأنها
- 5:22كرسي بثلاث رجول ما تدور على شيء بس توقف
- 5:26وتنتظر الأكل يجيها لين عند وجهها.
- 5:30وأحياناً اللي يطيح من فوق يكون كبير.
- 5:34هيكل حوت.
- 5:36مات فوق ونزل ببطء لين وصل هنا.
- 5:43حوت واحد يأكل حي كامل لعشرات السنين
- 5:47وهذا الحوت مات من زمان، والحي اللي حوله
- 5:51للحين شغال.
- 5:54ونكمل لين الموية قدامنا تبدأ تتموج.
- 5:58مداخن صخر يطلع منها دخان أسود.
- 6:01بس هذا مو دخان، هذه موية حارة، حارة
- 6:04لدرجة إنها تذوب الرصاص.
- 6:07والمفروض إنها تغلي، بس الضغط هنا قوي
- 6:10لدرجة إنه ما يخليها.
- 6:13وحولها زحمة.
- 6:15حلزونات وسرطانات بيضاء، وروبيان متكدس
- 6:18على الصخر، كأنه طابور على فوال الصبح.
- 6:22ولا وحدة من هالكائنات تحتاج الشمس، أكلها
- 6:25جاي من كيمياء الأرض نفسها.
- 6:28حي كامل، والشمس ما تدري عنه.
- 6:33طيب، هذا قاع المحيط. خلاص، وصلنا؟
- 6:38لا.
- 6:39هذا تقريباً ثلث الطريق بس.
- 6:42ونمشى لين الأرض تنتهي.
- 6:45حافة.
- 6:47وتحتها الخندق.
- 6:49خندق ماريانا. تخيل شق كبير مرة في قاع
- 6:53المحيط الهادي، طوله أكثر من 2500 كيلو.
- 6:58بس كيف صار هالشق؟ ببساطة، الأرض تحت
- 7:01البحر مو بقطعة وحدة. فيه قطع ضخمة تتحرك
- 7:05ببطء شديد. ولما وحدة منها تدخل تحت
- 7:08الثانية، ينزل معها جزء من قاع البحر. ومع
- 7:12الوقت يتكون هالخندق العميق.
- 7:15ونطيح فيه.
- 7:186000 متر.
- 7:21الحافة تروح فوق، ويروح معها آخر شيء نقدر
- 7:24نشوفه، لا أرض ولا جدار، موية بس من كل
- 7:28جهة.
- 7:29والزحمة اللي كانت فوق تبدأ تخف.
- 7:32الأضواء الحية نقطة كل فترة.
- 7:36الثلج حبة ورا حبة.
- 7:38وحتى الكلام داخل الغواصة يخف.
- 7:427000.
- 7:45ثمانية.
- 7:46ثمانية كيلو موية فوق راسك. لو واحد منا
- 7:50كان برا الغواصة، أي شيء فيه هوا بجسمه
- 7:53بينعصر. الرئة تنضغط لين تصير تقريبًا قد
- 7:57حبة عنب. أعمق غطسة بأسطوانات الغوص في
- 8:00التاريخ كانت 332
- 8:03متر للمصري أحمد جبر. وإحنا الحين أعمق
- 8:07منها بأكثر من 20 مرة. عشان كذا جدار
- 8:11الغواصة هذه تيتانيوم. سماكته قرابة 10
- 8:15سم.
- 8:17وقدام الشباك سمكة.
- 8:19صغيرة، شفافة، [ضحك]
- 8:21ناعمة كأنها من جلي.
- 8:24تسبح على مهلها.
- 8:26ولا كأنها تحت كل هالضغط. اسمها سمكة
- 8:30الحلزون. ما لها قشور، وعظامها طرية، ما
- 8:34تكمل تصلب، وخلايا جسمها مليانة مادة تحمي
- 8:38بروتيناتها من الضغط.
- 8:40ودعها زين. أعمق سمكة انصورت في التاريخ
- 8:44كانت من نوعها على 8300
- 8:48متر. وتحت هذا ما شافوا ولا سمكة. وعلى
- 8:52طاري السمك الطري، تعرفون سمكة البلوب
- 8:55اللي يسمونها أبشع سمكة في العالم؟ هي ما
- 8:58تعيش هنا. تعيش أعلى بكثير. وتحت شكلها
- 9:03سمكة عادية. اللي تشوفونه بالصور هو شكلها
- 9:06بعد ما طلعت للسطح. وجسمها اللي مبني
- 9:09للضغط انهار.
- 9:119000.
- 9:14والسطح صار بعيد، بعيد مرة.
- 9:18عشرة.
- 9:19وتحت الضوء شيء رمادي يقرب.
- 9:23الغواصة تلمس القاع، والطين يطير على
- 9:26مهله، ويرجع ينزل.
- 9:29أعمق نقطة على الأرض.
- 9:32اسمها تشالنجر ديب.
- 9:34أول اثنين وصلوها كان سنة 1960.
- 9:38وما قعدوا تحت إلا 20 دقيقة.
- 9:42فوقنا 11 كيلو من الموية، وعلى كل سنتيمتر
- 9:45من الغواصة أكثر من طن.
- 9:48والكابتن يحط برا شوية طعم.
- 9:52ويطلع ترمس ويصب فنجالين.
- 9:55وقبل ما تخلص القهوة وصلوا الضيوف.
- 9:58مخلوقات صغيرة بيضاء، شكلها روبيان، تطلع
- 10:01من العتمة واحدة ورا واحدة لين تغطي
- 10:04القاع.
- 10:06اسمها مزدوجات الأرجل. وعشان تعيش هنا،
- 10:10تلبس درع. تاخذ ألمنيوم من الموية وتغطي
- 10:14فيه قشرتها لكي لا تذوب.
- 10:17حتى هنا، في آخر نقطة بالأرض فيه أحد.
- 10:21بس هنا ما ينقعد كثير. الكابتن يفك
- 10:25الأثقال الحديد اللي نزلتنا، وتطيح على
- 10:28القاع.
- 10:29والغواصة خفيفة الحين، تبدأ تطلع لحالها.
- 10:33والطلوع أربع ساعات ثانية.
- 10:37الأسود يصير أزرق، والأزرق يفتح لين يطيح
- 10:40ضوء الشمس على الشباك.
- 10:43ينفتح الباب والهوا.
- 10:46وسعود، أول شيء يسويه يروح للسلة.
- 10:50ويطلع كوب.
- 10:51نفس الكوب، نفس الاسم.
- 10:54بس صاير
- 10:56كذا.
- 10:57الضغط هناك عصرة من كل جهة، وطلع كل الهوا
- 11:01اللي فيه.
- 11:03والكابتن يبتسم ويطلع من جيبه كوب صغير
- 11:06مثله.
- 11:07مكتوب عليه اسمه هو.
- 11:12وبكذا نكون وصلنا لنهاية رحلتنا. في أعمق
- 11:17مكان على وجه الأرض. والغريب إننا نعرف عن
- 11:21سطح القمر أكثر من اللي نعرفه عن قاع
- 11:23البحر. قدرنا نصور سطح القمر بتفاصيل
- 11:26دقيقة، لكن قاع محيطاتنا للحين فيه مناطق
- 11:30شاسعة ما شفناها بشكل مباشر وما ندري وش
- 11:33فيها بالضبط. تتوقع فيه كم سر باقي مخبيه
- 11:37أعماق البحر؟ شاركنا رأيك بالتعليقات.
- 11:40وإذا أعجبك الفيديو لا تنسى اللايك
- 11:42والاشتراك وتفعيل الجرس لأن دعمك يفرق
- 11:45معنا كثير. وشكراً لكم على المتابعة
- 11:48وبأمان الله.
About this transcript
This page contains the full transcript of وش بنلقى لو نزلنا لقاع البحر؟ by Tadri? | تدري؟, generated from the public captions YouTube serves with the video. The transcript has 1,164 words across 222 segments, with the original timestamps preserved so you can click any line to jump to that moment in the embedded player.
What you can do with it
Use the transcript to take notes, quote the speaker, build a study guide, generate a summary with ChatGPT or Claude via the YouTube Summary tool, or export it as a timed subtitle file with YouTube to SRT. You can also re-open it in the transcriber to choose a caption track available on the video.
Free YouTube transcript tool
YouTube2Text is a free YouTube transcript generator — no signup, no daily limit. Paste any YouTube link and get the full transcript instantly, with timestamps, click-to-jump, caption language selection, AI prompts for ChatGPT, Claude, and Gemini, and exports to TXT, SRT, VTT, or Markdown.