YT YouTube2Text

YouTube2Text → Transcripts → ولد ضعيف بيدخل سجن عصابات، فجأة بيتحول لاخطر واقوي واحد في السجن

ولد ضعيف بيدخل سجن عصابات، فجأة بيتحول لاخطر واقوي واحد في السجن — Transcript

by MoviesLimbo 🍿 · 6,951 words · 944 segments · language ar · Watch on YouTube

Open in transcriber Summarize with AI Download SRT/VTT

Full transcript

0:00الواد ده ضعيف جدا وعلشان كده بياكل ضرب
0:02في كل حتة يروحها. عمره لا بيعرف يرد
0:05الضربة ولا يدافع عن نفسه. ساعات بيستحمل
0:07الإهانة والتهازيق قدام الفصل كله لدرجة
0:10إنه بيتضرب قدام البنات كمان. بس في يوم
0:12بيقرر بقى يتخانق. بعدها بيعمل إيه بقى؟
0:15بيعمل حاجات ما تخطرش على بالك أصلاً. ده
0:17بيدخل السجن وبيضربهم كلهم ضرب الكلاب. بس
0:21يا ترى هو بيعمل كل ده إزاي؟ خلينا نعرف
0:23الحكاية الجامدة دي من طقطق لسلام عليكم.
0:26حكايتنا بتبدأ وبنتعرف على طالب اسمه
0:29يوجو. يوجو ده كان طالب ذكي ومحترم. مش بس
0:32بيجيب درجات عالية، ده كمان مؤدب جداً. في
0:35يوم في طالب اسمه تشان بيعزل وبييجي
0:37مدرستهم. المدرس بيقدم تشان للطلبة وبيقول
0:40لهم إنه بطل وطني في الملاكمة. كل الطلبة
0:42قعدوا يمدحوا فيه ويسقفوا له ما عدا يوجو.
0:45لإن يوجو ما كانش مرتاح خالص لوجود تشان
0:47معاه. بعد ما المدرس طلع من الفصل تشان
0:50مسك أكتر واد بيعمل مشاكل في الفصل وضربه
0:53علقة موت. ومن أول يوم وهو بيعمل مشاكل
0:56وبيفرض سيطرته على الكل. بعدين بدأ يتنمر
0:59على يوجو. ويستقوى عليه ويضربه. في اللحظة
1:02دي دخلت بنت وحاولت توقفه وتتوسط. بس تشان
1:05اتنمر عليها هي كمان واداها بالقلم. يوجو
1:08مسك إيد تشان وقاله يقف عند حده ويبطل
1:11اللي بيعمله. بس تشان اداله بوكس في بطنه
1:14وفضل يضرب فيه بالكشكول. زعق فيه وقاله
1:16شكلك نسيت أنا عملت فيك إيه زمان. اتضح إن
1:19تشان كان بيتنمر على يوجو ومطلع عينه لما
1:22كانوا مع بعض في الإعدادية. لما يوجو راح
1:24اشتكى للمدرسة تشان رجع ضربه تاني عشان
1:27اتجرأ واشتكى. يوجو هرب ساعتها من كتر
1:29الخوف. ودلوقتي الكابوس بتاع يوجو رجعله
1:32تاني. يوجو واقع على الأرض بيتلوى من
1:35الوجع. قرر إنه يمسك القلم وقام وقف وهو
1:37بيرتعش. تشان فضل يتريق عليه ويستفزه
1:40ويقوله يا جبان. ومسك إيد يوجو وشاور على
1:43عينه واتحداه إنه يغز القلم في عينه وهو
1:46مستغرب إنه ممكن يعملها. بس يوجو بجد غرز
1:49القلم في عينه علشان يطلع كل الخوف والغضب
1:52اللي مكبوت من جواه من سنين طويلة. كل
1:55الفصل اتصدم من اللي عمله يوجو وما كانوش
1:58مصدقين. تشان مسك عينه وفضل يصرخ ويصوت من
2:01الوجع. بسبب اللي عمله يوجو أخذوه على
2:03المحكمة على طول. وفي القضية اتقال إن
2:06يوجو استخدم سلاح وعين تشان اللي مين راحت
2:09للأسف. ودي ما كانتش حالة دفاع عن النفس
2:12خالص. ده كان هجوم عنيف ومحاولة قتل
2:14صريحة. علشان كده يوجو دخل السجن وأمه
2:17فضلت تعيط وتندب على ابنها. يوجو عمره ما
2:20كان يتخيل إن أي خناقة هيدخل فيها هتوصله
2:22للسجن وتدمر مستقبله بالشكل ده. ركب
2:25أتوبيس الترحيلات اللي هياخده على السجن.
2:27ويوجو كان لسه هيقعد بس في مسجون أشقر أخذ
2:30مكانه. فاضطر يوجو يقعد في الكرسي الأخير
2:32جنب أخطر مسجون هناك. لما وصلوا السجن
2:35الحراس أخذوا [تنحنُح] حاجتهم وفتشوهم.
2:37المسجون الأشقر اللي اسمه هان قابل يوجو
2:39وسأله: أنت دخلت السجن ليه؟ يوجو قال له
2:41إنه مقبوض عليه بتهمة الشروع في القتل.
2:44هان خاف منه ورجع لورا وقال له: أنا آسف
2:47إني سرقت مكانك. وطلب منه يبقوا أصحاب.
2:49هان كذب عليه وقال له: أنا كمان مقبوض علي
2:51بتهمة الشروع في القتل. وبعدين عرفوا
2:53نفسهم لبعض وبقوا تمام. في نفس الوقت قدام
2:56المساجين هان اعترف إنه دخل السجن عشان
2:59السرقة. في سجين قديم بدأ يشرح لهم قوانين
3:01السجن ماشية إزاي. كل مسجون له رتبة
3:04معينة. قوتك هي اللي بتحدد مكانتك وقيمتك
3:07وسطهم. لو ما بتعرفش تضرب خليك في حالك
3:09وبعيد وما توقعش نفسك في أي مصيبة. السجن
3:12ده مسيطر عليه ثلاث عصابات كبار. العصابة
3:14الأولى بيقودها واحد اسمه هيوب. وده كان
3:17بطل العالم في الجودو زمان. العصابة
3:19الثانية بيقودها واحد اسمه جون. وده راجل
3:21عجل وضخم جدا. لما بيتعصب بيتجنن وما
3:24بيشوفش قدامه. العصابة الثالثة بيقودها
3:26سيونج. وده يبان إنه عيل صغير وسهل تضحك
3:29عليه. بس في الحقيقة لو دخل في خناقة
3:32بيكسر عظم أي حد يجي قدامه. المسجون
3:34العجوز قال لهم إن جون وسيونج اتفقوا قبل
3:37كده وعملوا كمين لهيوب علشان يحبسوه في
3:40الحبس الانفرادي. جون هجم على سيونج. ولما
3:43الحارس جه قالوا له إن هيوب هو اللي هجم
3:45عليهم. الحارس بلع الطعم وصدقهم. أخذ هيوب
3:48ورماه في الحبس الانفرادي. وعلشان كده
3:50السجن دلوقتي تحت سيطرة عصابتين اثنين بس،
3:54بس في مسجون واحد محدش يقدر يغلبه ولا يقف
3:57قصاده، حتى لو الثلاث زعماء حطوا ايديهم
3:59في ايد بعض برضه مش هيقدروا عليه، وده
4:02يبقى دوني، المسجون اللي كان قاعد جنب
4:04يوجو في الأتوبيس ومبيتكلمش. دوني ده هو
4:07أصغر بطل عالم في الفنون القتالية، من
4:09سنتين دوني كان مروح البيت وجايب ورد
4:12وهدايا لأخته علشان عيد ميلادها، لما فتح
4:15الثلاجة ايده اتعصت دم، فضل يدور على أخته
4:17في كل حتة وهو مرعوب لحد ما لقاها غرقانة
4:20في دمها وسايحة فيه، في اللحظة دي طلعله
4:23حرامي من العدم وحاول يخنق دوني، بس مكانش
4:26عارف هو بيلعب مع مين وجاب أجله بإيده.
4:28دوني مسكه ورماه على الترابيزة وكسرله
4:31رجله حتت، ولما شاف جثة أمه كمان اتجنن،
4:34فقد عقله من الغضب وبدأ يضرب الحرامي
4:37التاني ضرب مميت مفيش فيه رحمة، خبط راسه
4:40كذا مرة في حتة حديدة لحد ما جاب أجله،
4:42وطلع حرامي تالت وحاول يقتل دوني، بس دوني
4:46اداله ضربة خلصت عليه في ساعتها ومات في
4:48ايده. الثلاث حرامية ماتوا الموتة اللي
4:50يستحقوها وزيادة، بس دوني دخل السجن عشان
4:53استخدم قوة مفرطة في الدفاع عن النفس.
4:56يوجو اتصدم وفتح بقه لما سمع الحكاية دي
4:59وفضل يفكر ازاي هيعيش في السجن المرعب ده
5:02وسط الوحوش دي، بعدين المساجين كانوا
5:03بيلعبوا كورة في الحوش وفي لاعب اتصاب
5:06وخرج والمساجين خلوا يوجو ينزل يلعب
5:08مكانه، بس يوجو مبيعرفش يلعب كورة أصلاً،
5:10بدل ما يشوط الكورة شاط جون بالغلط تحت
5:13الحزام. سيونج ضحك وقاله أنت كده وقعت في
5:16مشكلة كبيرة أوي، سيونج فضل يضحك وقاله يا
5:18حبيبي أنت كده رحت في 60 داهية. رجالة جون
5:21حوطوا يوجو علشان ينتقموا منه ويظبطوه،
5:24يوجو رجعله نفس الخوف والرعب القديم بتاع
5:26تشان، في اللحظة دي لمح دوني معدي من هناك
5:29بالصدفة، يوجو فلت من ايديهم وجري زي
5:32الصاروخ على دوني وطلب منه يلحقه، جون هدد
5:35دوني وقاله ميتدخلش وإلا مش هيحصل طيب،
5:37دوني اتردد في الأول بس بعدين قرر ينقذ
5:40يوجو وميقفش يتفرج، وقال لـ جون سيب الواد
5:43ده وغور من هنا، جون اتعصب ودمه غلي وحاول
5:45يهجم على دوني، بس دوني تفادى ضربته بكل
5:48سهولة ورد عليه ببوكس جامد جداً وقعوا على
5:51الأرض في ثانية وكأنه حتة عجينة. يوجو بدأ
5:54يبص لدوني بنظرة كلها احترام وانبهار
5:56كبير. بس من اليوم ده الكره والانتقام
5:59زادوا في قلب جون ناحية يوجو وبقى حاطه في
6:02دماغه. في يوم تشان جه يزور يوجو في
6:05السجن. قاله بسببك مستقبلي في الملاكمة
6:07اتدمر واضطريت أسيب المدرسة. يوجو فضل
6:09يعتذرله كتير أوي, بس تشان ما كانش
6:11بيسمعله ولا مديله ريق حلو. شال اللزقة من
6:14على عينه ووراله عينه البايظة عشان يقهره.
6:16يوجو ما كانش قادر حتى يبصله من كتر الخوف
6:19والرعب اللي راكبه. تشان هدده وقاله أنا
6:21هستناك تخرج وهاخد حقي منك بطريقة عمرك ما
6:24هتنساه. يوجو فضل يترجاه ويبوس إيده, بس
6:27تشان سابه ومشي وماردش عليه. دلوقتي حياة
6:30يوجو في السجن بقت كابوس بيتحرك على الأرض
6:33ما بيخلصش. بالنهار جون بيهدده وبيتوعدله.
6:36بالليل بيحلم بنفس الكوابيس المرعبة بتاعة
6:39تشان. وفي يوم يوجو شاف دوني بيتمرن في
6:42الحوش. راحله وشكره إنه أنقذه ووقف جنبه.
6:45بس ما كانش عنده الجرأة إنه يطلب من دوني
6:47يعلمه القتال وإزاي يدافع عن نفسه. فضل
6:49يحاول كذا يوم وهو مكسوف لحد ما في يوم
6:52دوني هو اللي وقفه وسأله: أنت عايز مني
6:54إيه؟ عمال تلف حواليا. يوجو جمع شجاعته
6:57وقاله: أنا عايز أبقى قوي زيك. علمني إزاي
6:59أتخانق. دوني رفض رفض قاطع في الأول وما
7:02رضيش. قاله إنه مش عايز يوجو يستخدم قوته
7:05عشان يقتل حد زيه ويدمر حياته. بس يوجو ما
7:08استسلمش ولا جاب ورا. قاله أنا مش عايز
7:10أهرب تاني. أنا تعبت من الخوف. أنا بكره
7:13ضعفي وإهاناتي. دلوقتي أنا عايز أواجه كل
7:15واحد بيأذيني أو بيتريق عليا وأقفله راجل
7:18لراجل. كلام يوجو لمس قلب دوني وأثر فيه.
7:21وافق يدربه بس حط شرط واحد. قاله لازم تلف
7:24التراك ده 100 لفة في 100 دقيقة. لو
7:26عملتها وطلعت راجل هعلمك. يوجو بدأ يجري
7:29وما كدبش خبر. وبعد شوية نفسه اتقطع.
7:32رجليه ما بقاش فيها حيل تشيله, بس ما وقفش
7:35وعافر. فضل يفتكر كل الذكريات الزفت لما
7:38اتضرب واتهان وبقى مسخرة. يوجو حس إن دي
7:41فرصته الأخيرة يتغير ويبقى حد تاني، عشان
7:44كده طلع كل طاقته وروح الفايتر اللي جواه،
7:47وبعد ما لف 71 لفة حالته بقت صعبة جداً
7:51ومبقاش فيه ذرة طاقة في جسمه واستسلم ووقع
7:53على الأرض من كتر التعب والإرهاق. دوني
7:56راحله وقاله الاستسلام مش عيب ولا حرام،
7:58بس يوجو مرضيش يستسلم، لملم باقي قوته
8:01اللي فاضلة ووقف تاني، فضل يجري لحد ما
8:04أغمى عليه ووقع قاطع النفس. دوني جري
8:06فوراً عشان يلحقه ويفوقه، ورغم إن يوجو
8:09مكملش الـ 100 لفة بس إصراره وعناده ده
8:12خلى دوني يوافق يدربه. علاقة دوني بمدير
8:14السجن كانت كويسة جداً وحبايب، عشان كده
8:17كلمه وخلى يوجو يتنقل معاه في نفس
8:19الزنزانة بتاعته. في أول يوم تدريب دوني
8:22خلاه يلعب ضغط، بس وضعية يوجو كانت غلط
8:24خالص ومش عارف يعمل حاجة، معرفش يعمل ولا
8:27عدّة واحدة على بعضها. يوجو أدرك قد إيه
8:30هو ضعيف ومحتاج شغل كتير، دوني شجعه ورفع
8:33معنوياته وبدأ معاه تدريب قاسي كل يوم
8:36مفيش فيه هزار، واحدة واحدة قوة يوجو بدأت
8:38تزيد وتبان. بقى يشيل أوزان تقيلة وبيلعب
8:41عقلة بكل سهولة ومن غير تعب. دوني فهمه إن
8:44الأكل كويس مهم زي التمرين بالظبط عشان
8:47جسمه ياخد طاقة ويتبني صح. يوم ورا يوم
8:50جسم يوجو بدأ يتغير ويحلو، عضلاته بدأت
8:52تظهر وتتقسم، دوني كان بيضربه بوكسات في
8:55بطنه عشان يقوي عضلاته ويخليه يستحمل
8:58الضرب وميقعش من أول خبطة. ولما عضلاته
9:00اتبنت وشدت دوني علمه الملاكمة وتكنيكات
9:03الدفاع عن النفس وإزاي يصد ويضرب. الواد
9:06يوجو اللي كان بيترعش من الخوف إمبارح بقى
9:08ملاكم وحش، بقى المساجين اتصدموا وفتحوا
9:11بقهم لما شافوه بالشكل ده وإتغير إزاي.
9:13على الناحية التانية بره السجن تشان كان
9:16ماشي في الشارع متضايق ومهموم وعمال يلف،
9:19فجأة واحد بعربية ضربله كلاكس وشتّمه
9:22وهزّقه، تشان اتعصب وكسر مراية العربية،
9:25ولما الراجلين نزلوا عشان يضربوه ويفردوا
9:28عضلاتهم تشان لوحده كسر عضمهم هما الاتنين
9:32ومسح بيهم الأرض. كل ده كان شايفه زعيم
9:34عصابة اسمه يانج كان معدي بالصدفة، عجبته
9:37قوة تشان وراح اداله الكارت بتاعه وعرض
9:40عليه يشتغل معاه. تشان رفض في الأول وما
9:43رضيش. بس لما يانج قاله انه يقدر يعالج
9:46عينه ويخليه أخطر وأشرس من الأول تشان
9:49وافق على طول. ونرجع للسجن. يوجو كان
9:51مشغول في المذاكرة والتمرين وما بيعملش
9:53حاجة غيرهم. هان سأله: يا صاحبي أنت بتتعب
9:56نفسك وتفحت روحك كده ليه؟ يوجو قاله: في
9:58الأول كنت عايز أبقى قوي بس عشان ما حدش
10:00يضربني. لكن دلوقتي بقيت بستمتع بالتمرين
10:03ونفسي اتفتحت. في اللحظة دي هان جابله خبر
10:05زي الزفت. دوني كمل 23 سنة. وعلشان كده
10:09هينقلوه سجن البالغين ويسيبوه. قلب يوجو
10:11اتكسر وحزن قوي لما سمع الخبر. تركيزه في
10:14التمرين بدأ يقل ويضيع. دوني فهم ده
10:17وقاله: أنت كنت فاكر اني هفضل أخد بالي
10:19منك وأدلعك طول العمر؟ هييجي وقت لازم تقف
10:22فيه على رجلك وتتخانق بنفسك وتأخد حقك
10:24بإيدك. علشان كده ما تضيعش وقت وشد حيلك
10:27واتمرن. بعدها يوجو شاف شوية مساجين
10:30محاوطين هان وبيضاايقوه وبيستقو عليه.
10:33يوجو اتدخل لأول مرة علشان يحمي صاحبه
10:35وضرب البلطجية دول ضرب العوالم وورمهم. بس
10:38هناك جون كان لسه نار الانتقام مأيدة جواه
10:41وعايز يخلص من يوجو. رجالة جون ضحكوا على
10:44يوجو ونادوه على ورشة كده على جنب وقالوله
10:47ان في موضوع مهم عايزين يكلموه فيه. يوجو
10:50صدقهم وراح هناك على نيته ولقى جون
10:52مستنيه. يوجو حاول يتأسفله على اللي فات
10:55ويفتح صفحة جديدة. بس جون كان جاي بس
10:58علشان يخلص عليه ويشفي غليله. وهجم على
11:01راس يوجو على طول ومن غير تفاهم. بس المرة
11:04دي يوجو كان جاهز ومصحصح. تفادى الضربة
11:07ولف اداله بوكس جامد في وشه ورنه. جون
11:10اتهان قدام رجالته ومنظره بقى وحش قوي.
11:13اتجنن وشال يوجو رزعه على الأرض بكل قوته.
11:17بس الكل اتصدم ومابقوش مصدقين لما لقوا
11:20يوجو قام تاني ولا كأنه في حاجة بتوجعه.
11:22بدأت خناقة طاحنة ومعجنة بينهم هما
11:25الاتنين. يوجو طلع كل المهارات اللي
11:28اتعلمها وفرجهم اللعب على أصوله. بس جون
11:31كان ثقيل وعافي برضه ما بيقعش بالساهل.
11:34ضرب يوجو لدرجة إن يوجو وقع غرقان في دمه
11:38وحالته تصعب على الكافر. الكل يفتكر إن
11:40يوجو خسر ومات خلاص. بس لملم الباقي من
11:43قوته اللي فاضلة ووقف ثاني هجم على جون
11:46بقلب ميت. والمرة دي ملاكمة يوجو كانت
11:48أسرع وأقوى. وجون ما قدرش يصمد وأغمي عليه
11:51ووقع زي الشوال. يوجو كان مندمج ومسحول
11:54وبيضربوا بغل. لحد ما دوني دخل في النص
11:57وقفه. دوني ما كانش عايز يوجو يغلط نفس
11:59غلطته ويضيع مستقبله وهو متعصب ومش شايف
12:02قدامه. على الناحية الثانية عين تشان
12:04اتعالجت ورجعت. بقى سفاح ومجرم أكثر من
12:07الأول 100 مرة. بقى الذراع اليمين الموثوق
12:09فيه بتاع العصابة يانج. وقتل ناس كثير على
12:12شانه وما بيتهزش. في السجن ده كان آخر يوم
12:15لدوني. عمل أكل كثير ليوجو وظبطه. وبعدين
12:18لعبوا آخر ماتش حقيقي بينهم. توديعة كده.
12:21يوجو كان بيحترم دوني وبيحبه. وعلشان كده
12:24ما كانش بيضرب بكل قوته وخايف يعوره. دوني
12:27صرخ فيه وقاله ركز. لو اتعاطفت مع عدوك
12:30كده في الشارع هتموت وتتاكل. يوجو حاول
12:32يركز. بس قبل ما يضرب دوني في وشه وقف
12:34إيده ما قدرش يكملها. دوني ابتسم وقاله
12:37أداءك كان أحسن من اللي توقعته بكثير.
12:39بقيت وحش. من النهارده تدريبك معايا خلص.
12:42وقعد يمدح في يوجو ويقوله إنه بطل لأنه
12:44استحمل التدريب الشاق اللي الرياضيين
12:46الكبار ما بيقدروش عليه وبيستسلموا. وهو
12:49ماشي دوني قاله حكمة كبيرة قوي يفضل
12:51فاكرها. القرش لو بطل يعوم بيغطس ويموت.
12:55علشان كده إياك توقف أبدا. عافر دائما.
12:58بعد ما دوني مشي يوجو فضل يعيط جامد كأن
13:00أبوه مات. لأن ما حدش هيقدر ياخد مكان
13:02دوني في حياته. وعلشان ينسى حزنه وقهره حط
13:05كل طاقته في التمرين وبقى بيتدرب أكثر
13:07وأكثر. بره السجن مسجون قديم شغال مع تشان
13:10دلوقتي. راح قال لتشان إن دوني حول يوجو
13:13لمقاتل خطير جدا وما بيتهزرش معاه. ثاني
13:16يوم تشان راح يزور يوجو في السجن وسأله
13:18باستهزاء. أنت بتتمرن كل ده علشان تتخانق
13:21معايا؟ المرة دي يوجو ما خافش ولا رمشله
13:23جفن. بل اتريق عليه. قاله له لسه زي ما
13:25أنت ما اتغيرتش خالص ولا كبرت. عيني نيوجه
13:28ما بقاش فيها خوف ولا رعب بل بقى فيها
13:30لمعة ثانية خالص بتاعة وحش كاسر. في
13:33اللحظة دي هيوب بطل الجودو طلع من الحبس
13:36الانفرادي ورجع وسطهم. جون استغل الفرصة
13:39كذب على هيوب وقال له إن نيوجه عايز يضربك
13:42ويأخذ مكانك ويبقى الزعيم. هيوب صدقه وبلع
13:45الطعم من غير ما يتأكد. وبعدها زعيم
13:47العصابة الثالثة سيونج تحدى يوجو وطلبه في
13:50خناقة رجل لرجل. سيونج قال له لو كسبت
13:52هأعمل لك اللي أنت عايزه وأبقى خادمك.
13:54يوجو حط شرطه وقال له: لو أنا كسبت تبطلوا
13:57تضايقوا المساجين الضعاف وتعاملهم زي
13:59البني آدمين. سيونج وافق وحددوا ميعاد
14:01الخناقة اللي هتكسر الدنيا. يوجو رجع
14:04لزنزانته القديمة اللي كان فيها هيوب من
14:06الأول وهيوب سأله ووشه خشب: أنت عايز
14:09تتخانق معي علشان تأخذ مكاني وتفرض
14:11سيطرتك؟ يوجو قال له في وشه وبكل صراحة
14:14لا. أنا ماليش في الخناقات والمشاكل أصلاً
14:16وعايز أعيش في حالي. هيوب استغرب جداً وما
14:18كانش مصدق لأن الكلام ده عكس اللي قاله له
14:21جون المفتري. جه يوم الخناقة الموعود. كل
14:23المساجين اتجمعوا مستنيين المعجنة. بس
14:25يوجو ما كانش له أي أثر وما حدش عارف هو
14:28فين. سيونج فضل يشتمه ويقول عليه جبان
14:30وهربان. هيوب اتدخل وقال بصوت عالي إن
14:33الخناقة دي لازم توقف لأن الخناقات ما
14:35بتجيبش سلام بتجيب ناس متكسرة ودم وبس. بس
14:38سيونج ما سمعش كلام حد. كان راكبه العند.
14:41بعد طول انتظار دخل يوجو الساحة زي
14:43الباشا. كل العيون كانت متشعلقة عليه
14:46ومستنيين هيعمل إيه. أول ما الخناقة بدأت
14:48سيونج هجم بسرعة البرق وما استناش. كان
14:51سريع وقوي لدرجة إن يوجو ما لحقش حتى يأخذ
14:54نفسه ولا يصد. سيونج ضرب يوجو ضرب مبرح
14:57وشاله ورزعه في الأرض جامد. يوجو وقف ثاني
15:00وما استسلمش. بس سيونج ادى له شلوت جامد
15:03ووقع يوجو على الأرض ثاني وكسر ضلوعه.
15:06الكل افتكر إن يوجو مش هيقوم ثاني والماتش
15:08خلص. بس عزيمة يوجو كانت من حديد. وقف مرة
15:11ثانية. ثبت على رجله. المرة دي لما هجم
15:13سيونج يوجو انتهز الفرصة ووقعه على الأرض
15:16بحركة صايعة. مسك رجله ولف يده حوالين
15:18رقبته في خنقة مميتة ما بتفكش. نفس سيونج
15:21بدأ يتقطع واضطر في الآخر يستسلم ويخبط
15:24على الأرض. بعد الفوز ده يوجو بقى أقوى
15:26مسجون في السجن كله وما حدش يقدر يرفع
15:28عينه فيه. اتفق مع هيوب وجون وسيونج
15:31وقعدوا قعدة رجالة على قرار واحد. من هنا
15:34ورايح ما حدش في السجن هيستقوى على أي حد
15:36ضعيف ولا يمد إيده عليه. واحدة واحدة جو
15:39السجن اتغير وبقى زي الفل. المساجين اللي
15:42كانوا أعداء وبياكلوا في بعض بقوا أصحاب
15:44وحبايب لدرجة إن سيونج نفسه بدأ يعلم يوجو
15:47تكنيكات الشلاليت إزاي يضربها صح. جون قال
15:50ليوجو من قلبه: يا صاحبي أول مرة شفتك
15:52فيها حسيت إنك هتعمل حاجة كبيرة وتكسر
15:54الدنيا. على الناحية التانية دوني كان في
15:57سجن جديد وبيدرب واحد تاني خالص بس عمره
16:00ما نسي يوجو والأيام اللي قضوها سوا. بسبب
16:02سلوك يوجو الممتاز والتزامه أفرجوا عنه
16:05قبل ميعاده وطلع براءة. قبل ما يخرج من
16:07باب السجن بص على الحوش اللي نزل فيه عرق
16:10ودم مع دوني وابتسم. هو دلوقتي اتغير خالص
16:13من عيل جبان بيخاف من خياله بقى راجل بجد
16:16يهد جبال. بس أول ما طلع من باب السجن لقى
16:18تشان مستنيه بره ومكشر عن أنيابه. ومن غير
16:21ولا كلمة ولا سلام الخناقة بدأت بينهم
16:23وضربوا في بعض. تشان كان عنده خبرة أكتر
16:26في خناقات الشوارع علشان كده كان متفوق
16:28على يوجو ومسكه صح. تشان فضل يتريق على أم
16:31يوجو. قال له: أمك كانت بتترجاني زي
16:33الكلبة علشان أسحب القضية وأرحمك. الكلمة
16:35دي غلت الدم في عروق يوجو وخليته يتجنن.
16:38رد عليه بهجوم كاسح ما فيش فيه رحمة. بس
16:41تشان كان لئيم وصايع. وقع يوجو على الأرض
16:43وغطى وشه بالتيشيرت وفضل يضرب فيه من غير
16:46رحمة. يوجو وقع غرقان في دمه ومش قادر
16:48ياخد نفسه. بس في اللحظة دي افتكر كلمة
16:50دوني اللي بترن في ودنه. خليك زي القرش
16:53وإياك تقف. يوجو ما استسلمش ووقف على حيله
16:56تاني زي الأسد. دلوقتي بدأت معركة حياة أو
16:58موت بينهم واللي هيفضل واقف هو الكسبان.
17:01يوجو استخدم مهارات الملاكمة اللي تعلمها
17:03في السجن من الأسطورة دوني وتشان اتجنن من
17:06الغضب وما بقاش شايف قدامه. فضل يضرب
17:08بوكسات في الهوا زي المجنون. بس ما كانش
17:11قادر حتى يلمس يوجو شعرة. وفي أول فرصة
17:14يوجو ضربه بالشلوت الخطير بتاع سيونج ووقع
17:17شان على الأرض زي الكلب. شان كان مذهول
17:20إزاي يوجو الكحيان بقى بالقوة دي كلها؟
17:23الإثنين كانوا جابوا آخرهم من التعب ومش
17:25قادرين يوقفوا. بس الخناقة دي ما بقتش قصة
17:27جسم، دي قصة إرادة. واللي يقدر يستحمل
17:30أكثر هو اللي هيكسب وياخد اللقطة. في
17:32الآخر تشان استسلم وما عرفش يكمل. يوجو
17:34سابه مرمي في الشارع متهان زي الكلب وكمل
17:37طريقه وما بصش وراه. ولأول مرة في حياة
17:39تشان يذوق طعم الهزيمة المذلة دي اللي
17:42كسرت عينه. بعد فترة من الزمن يوجو راح في
17:45السجن علشان يطمن عليه. الإثنين فرحوا
17:48جداً لما شافوا بعض والضحكة ملت وشهم.
17:50يوجو قاله بهزار ومحبة: أنا رحت حوض السمك
17:53وشفت قرش واقف مكانه ونايم في الميه. مع
17:55إنك قلتلي يعني إن القرش لو وقف وما
17:57بيعومش بيموت. دوني ضحك من قلبه وقاله:
18:00يبقى أكيد مات يا عبيط. والإثنين فضلوا
18:02يضحكوا بصوت عالي ومبسوطين. القصة بتنط
18:05بينا ست شهور لقدام. بتشوف إن الحياة بره
18:08السجن مش سهلة خالص ليوجو وما فيهاش دلع.
18:10الناس بتبصله على إنه مجرم رد سجون
18:13وبيعاملوه بعنصرية وقرف. الحالة كانت زفت
18:15لدرجة إنه ما كانش مسموحله يركب الأتوبيس
18:17زي الناس العادية وبيطردوه. في نفس الوقت
18:20أصحابه التانيين طلعوا من السجن وبدأوا
18:22حياة جديدة. سيونج فتح كشك أكل في الشارع
18:24بيسترزق منه. وجون بيشتغل فاعل في موقع
18:27بنا وبيشقى. في وقت فراغه بيذاكر عشان
18:29يدخل الجامعة ويكمل تعليمه. هيوب بيطلع
18:32عينه في الجيم وبيشيل حديد. ويوجو بيتمرن
18:34كل يوم من غير توقف ولا راحة. الأربعة دول
18:37قرروا إن حتى لو الدنيا شايفاهم وحشين
18:39وسوابق هما مش هيستسلموا وهينجحوا
18:42بمجهودهم ويثبتوا العكس. في يوم يوجو راح
18:45يزور دوني تاني وقاله وهو فرحان: أنا لقيت
18:47شغل يا معلم. شغال عامل نظافة في جيم بمسح
18:50وأكنس. الأكل والشرب هناك ببلاش ومرتبي
18:53بدفع بيه إيجار البيت وممشيني. بسبب
18:56الشغلانة دي أنا قادر أكمل تمريني وأبني
18:58جسمي. حلمي إني أبقى ملاكم محترف وأكسر
19:01الدنيا. الطريق صعب ومليان مطبات بس أنا
19:03مش هقف وهكمل. زي القرش اللي ما بيبطلش
19:06عوم أبداً اللي أنت حكيتلي عنه. دوني كان
19:08خايف على يوجو وقلقان عليه لأنه كان لسه
19:11صغير وما عندوش خبرة في الدنيا. نصحه وقال
19:13له وهو خايف عليه: "خلي بالك، المشاكل مش
19:15هتسيبك في حالك وهتجيلك لحد عندك. خليك
19:18دايماً مصحصح ومفتح عينك. ما تتسرعش وما
19:20تاخدش أي قرار وأنت متعصب عشان ما تندمش.
19:24ركز بس في تمرينك ومستقبلك وأنا دايماً في
19:26ضهرك ومعاك". يوجو رجع الجيم وكان بيساعد
19:29اللعيبة هناك وبيشيل معاهم. كان فيه مدرب
19:31بيمرن ملاكم مشهور كده وشايف نفسه.
19:33الملاكم ده كان عنيف جداً وغبي في ضربه.
19:36بعد التمرين لما المدرب سأل: "مين هيلعب
19:38معاه دلوقتي عشان يسخن؟" ماحدش وافق لأنهم
19:41كانوا خايفين يقتلهم ويهرسهم. الملاكم ده
19:43اتعوج كده وقال بغرور: "لو مافيش حد هتمرن
19:46معاه مش دافع فلوس وهاخد بعضي وأمشي".
19:48المدرب اضطر ينده ليوجو الغلبان عشان يحل
19:51الأزمة. الملاكم فضل يتريق على يوجو وقال
19:53له بضحك: "الواد الصغير ده هيتخانق؟ ده
19:55هيبقى كيس ملاكمة بتاعي وهفرمه". يوجو
19:58وافق وبقى جاهز للنزال وماخافش. أول ما
20:00الملاكم هجم يوجو فلت منه بسرعة البرق
20:03وزاغ. المدرب لما شاف كده راح ادى ليوجو
20:06معدات الحماية عشان الماتش يبدأ صح. بس
20:08يوجو ما لبسش كل المعدات. لبس الجوانتي بس
20:11واستقل بيه. أول ما الماتش بدأ الملاكم
20:14نزل ضرب في يوجو زي المطر من غير توقف.
20:17يوجو كان بس بيحمي وشه ومقفل على نفسه. بس
20:19أول ما جات له الفرصة ادى له بوكس جامد
20:21جداً في دراعه خلاه يقع على ركبه من
20:23الوجع. صاحب الجيم لما شاف كده اتعصب جداً
20:26ودمه غلي على يوجو عشان ضرب نجم الجيم
20:29بتاعهم وأهانه قدام الناس. وهدده إنه يغور
20:32من وشه ومايوريهوش وشه تاني وإلا هيطرده
20:35من الشغل ويقطع عيشه. واتضح إن الملاكم ده
20:37اسمه سان وكان بيلعب ماتشات ملاكمة غير
20:40قانونية في السر عشان يلم فلوس. الماتشات
20:42دي كانت بتتبث لايف على تطبيق موبايل
20:45والناس الأغنية كانت بتراهن بفلوس كتير
20:47أوي. سان كان المفروض يلاعب مقاتل اسمه
20:49تاينك قد الطور. الكل كان مستني الماتش ده
20:52بفارغ الصبر. بس بسبب إيد سان اللي اتصابت
20:55من يوجو ماقدرش يروح واعتذر. منظمي الماتش
20:57عشان يراضوا الناس ومايخسروش الفلوس قالوا
20:59لهم إنهم جابوا بديل جبار وإن الفلوس
21:02هتتضاعف 10 مرات. الناس كلها اتحمست وطمعت
21:05وحطوا فلوسهم كلها. وفي اللحظة دي دخل
21:07المقاتل الجديد الحلبه وما كانش حد غريب
21:10ده كان يانج زعيم العصابة الشرير اللي كان
21:12مشغل تشان. قانون الماتش ده كان إن لو
21:15تانك فضل صامد وواقف على رجله 30 ثانية بس
21:18هيبقى كسبان وياخذ الفلوس. أغلب الناس
21:20راهنت على يانج عشان عارفين جبروته. أول
21:23ما دخل الحلبه يانج وشوش تانك في ودنه
21:25بالراحة وقال كلام سر. قال له بوعدك أسدد
21:28كل ديونك وأروق عليك بس سيبني أديك بوكس
21:31واحد واخسر أنت الماتش وتظاهر إنك وقعت.
21:34الماتش بدأ ويانج ادى له شلوت وبوكس واحد
21:36تانك وقع في الأرض في أقل من 10 ثواني وما
21:39قامش ثاني. بس يانج ما وقفش لحد هنا ما
21:41اكتفاش بالمسرحية دي ده كسر رجل تانك
21:44بالعند علشان يثبت قوته ويفرض عضلاته. على
21:47الناحية الثانية ويوجو مروح بيته في أمان
21:49الله شاف واحد بيرمي فلوس في وش جون
21:51وبيهزقه. عرف إن جون وهو صغير كان بيضايق
21:54الراجل ده ووصله إنه ينط من على السطح
21:56عشان يهرب منه. وبسبب النطة دي رجل الراجل
21:59باظت طول عمره وبقى يعرج. جون كان بيدي له
22:02فلوس عشان يكفر عن ذنوبه القديمة ويمسح
22:04اللي فات. بس الراجل رفض الفلوس بعصبية
22:06ورماها في وشه وقال له الفلوس دي مش هتغسل
22:08ذنوبك ولا هترجع لي رجلي. يوجو قابل جون
22:11وحكى له إزاي كان هيطرد من الجيم النهاردة
22:13ويقطعوا عيشه. جون قال له وهو زعلان تصدق
22:16الحياة دي بجد صعبة قوي يا صاحبي ومليانة
22:18هموم. رد عليه يوجو بقلب ميت ده الطريق
22:20اللي أنا اخترته بنفسي ومهما واجهتني
22:22صعوبات ومشاكل مش هتراجع ولا هجيب ورا.
22:25بعدين الاثنين مشيوا مع بعض في سكتهم ولما
22:27وصلوا مطعم سيونج سيونج قعد يهزر ويضرب
22:30جون علشان بياكل ببلاش على طول وما بيدفعش
22:33حق الأكل. الثلاثة قعدوا يهزروا ويضحكوا
22:35ونسيوا كل التعب والهموم بتاعتهم وفرفشوا.
22:38في اللحظة دي دخلت جيهان ودي مدرسة جون
22:41وصاحبتهم كلهم وجدعة معاهم. سيونج لاحظ إن
22:43يوجو عمال يبص على جيهان ومسبل عين وفهم
22:47إن يوجو معجب بها وواقع في دباديبها. بس
22:49فجأة الجو اتغير واتقلب غم. يانج زعيم
22:52العصابة نزل من عربيته الفخمة ودخل عليهم
22:54وطلب من يوجو يشتغل معاه ويبقى تبع
22:57رجالته. الحكاية إن من ثلاث ساعات رجالة
22:59يانج خطفوا حبيبة سان ومدربه علشان سان ما
23:02جاش الماتش غير القانوني وبوظ الليلة.
23:05أخذوهم على مركب في البحر وحققوا معاهم
23:07وساعتها يانج عرف إن سان ما جاش عشان إيده
23:10اتصابت وما قدرش يلعب. فسألهم بعصبية مين
23:12اللي عمل كده وبوظ لي الشغل؟ سان قال له
23:15وهو مرعوب: عامل نظافة كحيان اسمه يوجو.
23:17يانج استغرب وفهم إن يوجو ده مش واد عادي
23:20ده مقاتل جبار ولازم يجيبه معاه. سان
23:22اعتذر له وقال له مش هتتكرر تاني وهعوضها
23:25لك. بس يانج رد ببرود وتناكة: الغلطة حصلت
23:28خلاص ومفيش مرة جاية لإنك برة العصابة
23:31بتاعتي وملكش مكان. وبعدين يانج سأل سان
23:34سؤال غريب خبيث. قال له: بتثق في مين أكتر
23:36وتحب حبيبتك ولا مدربك؟ سان اختار مدربه
23:39من غير تفكير. يانج قال له بخبث: تمام.
23:42هنعمل اختبار صغير. لو المدرب ده سكت 10
23:44ثواني من غير ما يطلع صوت واحد هسيبكم
23:47تعيشوا وتمشوا. أول ما قال كده يانج حط
23:49إيد المدرب في حلة مية بتغلي بتفور.
23:52المدرب صرخ من الألم والوجع الفظيع. وده
23:55معناه إن سان سقط في الاختبار ومعرفش
23:57يكسب. يانج رماهم هما التلاتة في البحر
24:00يغرقوا. وفي الوقت ده كانون الذراع اليمين
24:02ليانج راح قال له إن يوجو هو اللي بوظ عين
24:05تشان وغلبه في خناقة لوحده وعمل له فضيحة.
24:08لما يانج سمع كده اهتمامه بيوجو زاد جدا
24:10وبقى عايز يجيبه بأي ثمن. وخلاه يجمع كل
24:13المعلومات عن يوجو وأهله. راح له بنفسه
24:15لحد المطعم. يانج ادى له الكارت بتاعه بكل
24:17تناكة وقال له: أنا محتاج مقاتل جامد زيك
24:20في الصف. كمان تلات أيام في ماتش كبير. لو
24:22لعبت فيه هتكسب فلوس ما تتخيلهاش وتلعب
24:25بالفلوس لعب. بس يوجو رفض فورا ومن غير
24:27تفكير وقال له في وشه: أنا مش زي الكلب
24:30تشان وما بتبعش. يانج اتصدم لإن محدش قال
24:33له قبل كده لا. وكسر كلمته. اتعصب وقرر
24:36يخطط عشان ينتقم من يوجو ويربيه. تاني يوم
24:39جيهان كانت بتكلم يوجو في التليفون
24:41وبتدردش معاه. فجأة شافت ست حامل شكلها
24:44تعبان ومحتاجة مساعدة. جيهان قفلت السكة
24:47بسرعة وراحت تساعدها. والست طلبت منها تحط
24:50حاجتها التقيلة في العربية. جيهان كانت
24:53بتساعدها بنية صافية. فجأة لقت الست
24:55الحامل دي بتشرب سجاير وبتعمل حركات غريبة
24:57مش طبيعية. قبل ما جي هاي تفهم في إيه
25:00والمقلب ده إيه، جه واحد من وراها وخطفها
25:03جوه عربية الإسعاف. جوه العربية الست شالت
25:05بطن الحمل المزيفة ورمتها وطلعت نصابة. جي
25:09هاي حاولت تهرب ومسكت طفاية حريق وضربت
25:12الراجل بيها في رأسه، بس الباب كان مقفول
25:14بالضبة والمفتاح وبارك سايكو ضربتها جامد
25:17وجي هاي أغمى عليها ووقعت. على الناحية
25:20التانية يوجو كان بيتمرن مع أصحابه
25:22وسييونج بص له وقال له وهو مبسوط: "أول
25:24مرة شفته في السجن افتكرته ضعيف عيوطة، بس
25:27بمجهوده أثبت للكل إنهم غلط وبقينا كلنا
25:30أصحاب وإخوات". فجأة يوجو جاله الفيديو
25:32على تليفونه لقى جي هاي بتعيط وبتصرخ
25:35وبتطلب النجدة. يوجو اتخض وفهم إن دي
25:37حركات يونج الوسخة عشان يلوي ذراعه وتعصب
25:40وكان هيخرج يروح له ويكسر الدنيا، بس جون
25:43وقفه ومسكه وقال له اهدأ وفكر بعقل. يانج
25:46عايزك تفقد أعصابك وتغلط وإحنا كلنا معاك
25:48وفي ظهرك. اتصلوا بالبوليس عشان يبلغوا،
25:50بس البوليس ما عملش حاجة لإن الموضوع ما
25:52كانش واضح ومفيش دليل قوي. فجأة جات لهم
25:55لوكيشن من تليفون جي هاي في مبنى قديم
25:58مهجور. الأربعة راحوا هناك جري واتفرقوا
26:00عشان يدوروا على جي هاي في كل حتة، بس
26:03ملاقوش حد منهم. يوجو رن على تليفون جي
26:05هاي تاني وسمع صوت الرنة جوه المبنى طالعة
26:08من أوضة. مشي ورا الصوت لقى اتنين بلطجية
26:10رابطين جي هاي في الكرسي. قبل ما يلمسوها
26:13أو يقربوا لها، يوجو وجون دخلوا عليهم زي
26:16القضاء المستعجل. يوجو جابهم الأرض
26:18ببوكسين بس ونيمهم وفك جي هاي، بس جي هاي
26:21قالت له وهي بتعيط ومرعوبة: "اهرب يا يوجو
26:24ده فخ وكمين عمله لكم". فجأة طلع عليهم
26:26رجالة العصابة من كل حتة زي النمل، لإن
26:28الست دي استخدمت تليفون جي هاي عشان توقع
26:31يوجو في الفخ ويصطادوه. يوجو وجون حاولوا
26:34يضربوهم ويدافعوا عن نفسهم، بس عددهم كان
26:36كبير جدا وانهزموا في الآخر ونزلوا فيهم.
26:39العصابة غطوا وشوشهم بأكياس وخطفوهم هما
26:41كمان زيهم زي جي هاي. بره المبنى سييونج
26:44وهيوب لمحوا عربيات العصابة بتخرج وطلعوا
26:47وراهم يراقبوهم. جوه العربية العصابة
26:49فضلوا يكهربوا يوجو بالصواعق لحد ما أغمى
26:52عليه من الألم. لما يوجو فتح عينه وصحي
26:55لقى نفسه مربوط في كرسي ومش عارف يتحرك.
26:57صرخ ليانج بأعلى صوته وقال له: أصحابي فين
26:59يا حيوان؟ بس يانج ما ردش عليه وقعد يضحك
27:02ببرود وبدأ يحكي له قصة مرعبة إزاي
27:05بيعملوا الأطفال جنود في أفريقيا ويدربوهم
27:07على القتل. قال إنهم في الأول بيربطوا
27:10عينيهم بقماشة ويخليهم يضربوا نار على
27:12عماها. الأطفال بيفتكروا إنهم بيضربوا في
27:14الفاضي ومفيش حد قصادهم. بس لما بيفكوا
27:17الغمامة بيلاقوا جثث أهاليهم قدامهم مرمية
27:19في الدم. الصدمة دي بتكسر الأطفال
27:22وبتخليهم عبيد لأسيادهم طول العمر
27:24وميقدروا يعصوا أمر. وبعدين يانج شال
27:26القماشة من على وش جون وجي هاي علشان
27:29يوريهم له. وقال ليوجو: يلا نلعب لعبة
27:31أفريقيا دي ونشوف مين حيعيش. إختار واحد
27:34فيهم يموت والتاني يعيش ويطلع سليم. يوجو
27:37إتصدم وفضل يترجاه ويقول له: هما مالهمش
27:39ذنب في القصة دي. سيبهم وعذبني أنا زي ما
27:41أنت عايز. يانج قال له ببرود: إخرس. كده
27:44اللعبة حتبقى مملة ومش حتبسط. وادى المهمة
27:46دي لبارك اللي هي أصلاً سايكو ومجنونة
27:49وبتحب تعمل الحاجات دي بمزاج وتستمتع
27:51بالدم. يانج إدها سكينة حامية وقال: لو
27:54يوجو ما إختارش مين يموت إقتليهم هما
27:56الإثنين وريحينا. أمر رجالتو يصوروا كل
27:59اللي بيحصل بالتفصيل. بارك إدت ليوجو 10
28:01ثواني بس تعدهم على صوابعها علشان يقرر.
28:04يوجو إتجنن وفضل يصرخ ويزعق: إياكم تقربوا
28:08لهم وإلا حقتلكم كلكم وأشرب من دمكم. وقال
28:11لجون إنه مش عارف حيعمل إيه ومحتاس ومش
28:14قادر يختار. أول ما الـ 10 ثواني ما خلصوا
28:17بارك راحت عشان تقتل جون لإن يوجو جاب
28:20سيرته ونطق إسمه. بس الحظ كان حلو وبيلعب
28:22معاهم. بارك بالسكينة قطعت الحتة اللي جون
28:25مربوط منها بالغلط. وجون إستغل الفرصة وفك
28:28نفسه بسرعة وزق بارك ووقعها ووقع حارسين
28:32معاها في الأرض. بارك حاولت تهجم عليه
28:34تاني وتطعنه. بس جون مسك السكينة بإيده
28:36العريانة ورد عليها الهجوم. وقعها في
28:39الأرض وخد سلاحها وفك يوجو وجي هاي بسرعة
28:42البرق. التلاتة حاولوا يهربوا ويجروا برا.
28:44بس بارك أمرت كل حراس المبنى يوقفوهم
28:47ويقفلوا السكك. جون حاول يصد الحراس لوحده
28:50عشان يخلي يوجو وجيهاي يهربوا وينجوا
28:53بحياتهم. وفي وسط المعمعة دي والخبط
28:55والرزع، يوجو وقع من على السلم وهو
28:58بيتخانق وبيضرب، جون نزل ينقذه ويشيله بس
29:01حارس لزقه في الحيطة وكتفه. يوجو كان
29:04هيغمى عليه بس جيهان مسكت طفاية الحريق
29:06وضربت الحارس على رأسه فتحتها. يوجو وقف
29:09ثاني والاثنين نظفوا السكة من الحراس
29:12ووقعوهم وما لحقوش حتى ياخذوا نفسهم
29:14ويستريحوا لقوا حراس ثانيين جايين عليهم
29:17بالكوم. بطن جون كانت بتجيب دم نزيف جامد
29:21مش قادر يوقف بس قال لأصحابه وهو بيموت
29:23امشوا أنتم واهربوا وأنا هتصرف معهم
29:25وأعطلهم. كسر درابزين السلم الحديد وبدأ
29:28يضربهم به ويشوح فيهم. يوجو وجيهاي جريوا
29:32ووصلوا الجراج تحت بس لقوا أعداء هناك
29:34كمان بيسدوا الطريق عليهم بأسلحتهم. يوجو
29:37حس أن النهاية قربت وخلاص هيموتوا بس فجأة
29:40ظهر سيونج وهيوب زي الملائكة. نزلوا ضرب
29:43في الحراس دول وفرموهم لحد ما كلهم ناموا
29:46على الأرض متكسرين. لما رجعوا لجون عشان
29:49يطمنوا عليه لقوه غلب كل الحراس لوحده
29:51ونايمين حواليه. يوجو سند جون اللي بيطلع
29:54في الروح ووداه العربية وهربوا كلهم من
29:57المكان الزفت ده بس حالة جون كانت خطيرة
29:59جداً والدم ما بيوقفش لأن بارك السايكو
30:02كانت معوراه تعويرة وحشة قوي. في العربية
30:04جون طلع كشكوله القديم اللي فيه أسامي
30:07الناس اللي ضايقهم عشان يعتذر لهم وقال
30:09ليوجو وهو بيبكي ودموعه على خده يا صاحبي
30:12ابقى اعتذر لهم بالنيابة عني وقل لهم
30:14يسامحوني. يوجو رفض وهو بيعيط لا أنت هتخف
30:17وهتقوم بالسلامة وتعتذر لهم بنفسك. جون
30:19قال له بصوت [ __ ] أنا كل اللي كنت بتمناه
30:22أني لما أموت الناس تفتكرني شخص كويس مش
30:24وحش وبلطجي. للأسف الشديد قبل ما يوصلوا
30:27للمستشفى جون طلع في الروح ومات بسبب
30:29الزحمة في الطريق وما لحقوش ينقذوه. يوجو
30:32وأصحابه فضلوا يعيطوا ويصرخوا من القهر
30:34على صاحبهم وأخوهم. يوجو قلبه تقطع وحس
30:37بالذنب الرهيب واعتبر نفسه السبب في موت
30:39جون وأنه ضحى بنفسه عشانه. في الجنازة
30:42بتاعة جون، يوجو كان واقف قدام صورته
30:44بيعيط وندمان أشد الندم ومكسور. فجأة بنت
30:48دخلت وراحت ضربته بالقلم بكل قوتها قدام
30:51الناس. سألته بدموع وقهرة: لما أخويا كان
30:53بيموت وبيتهرس أنت كنت فين يا جبان؟ وطلعت
30:56دي جين أخت جون اللي جت تودعه. يوجو فضل
30:59يعتذر لها مرة ورا مرة وهو موطي رأسه
31:02ومكسوف من نفسه. بس جين قالت له بعصبية
31:04وغضب: أنا مش عايز اعتذارك المزيف ده، أنا
31:07عايز أخويا. ليه أنتم عايشين وهو مات وراح
31:09في الرجلين؟ يوجو اتكسر قوي ومن جواه
31:12اتدمر لدرجة إنه فكر: يا ريته كان سمع
31:14كلام يانج واختار. يمكن كان زمان جون عايش
31:17وسطهم. الحزن كل في قلب يوجو وقلبه وجعه:
31:20أنا اللي قتلته. كان المفروض هو اللي يعيش
31:22مكاني وأنا اللي أموت. سيونج قال له وهو
31:25بيطبطب عليه: بطل تلوم نفسك وتعذب روحك.
31:27دي مش غلطتك ولا أنت اللي ضربته. إياك
31:30تنسى إن أنت السبب إن جون حس إنه بني آدم
31:32ثاني وتغير للأحسن. وبسببك كمل دراسته
31:35واعتذر للناس اللي آذاهم وحاول ينظف
31:37صفحته. لو فضلت تعيط كده وتندب روحه عمرها
31:41ما هترتاح في قبرها. جين أخت جون سمعت
31:43الكلام ده بودانها وعرفت قد إيه هم أصحاب
31:46جدعان لأخوها وبيحبوه بجد. وفي وسط
31:48الجنازة جيهان خبطت في واحد شكله غريب.
31:51حست إنها شافته قبل كده في حتة مألوفة.
31:53مشيت وراه تتسحب. والراجل ده اللي اسمه
31:55سكار راح قابل الظابط المرتشي اللي مسك
31:57قضية موت جون. سكار ادى للظابط تليفون
32:00وكان كانون الواطي على الخط الثاني
32:02بيكلمه. كانون عرض على الظابط رشوة ثقيلة
32:05وفلوس كثير علشان يلبس القضية لأي حد ثاني
32:08غلبان ويطلع يانج منها زي الشعرة من
32:10العجين. جيهان سمعت كل حاجة متخبية
32:13بودانها. وراحت حكت لسيونج وهيوب الكارثة
32:16دي. في نفس الوقت واحد من رجالة يانج ساب
32:18وردة على القبر في الجنازة مكتوب عليه
32:20كارت: أنا لسه ما خلصتش وهجيبكم واحد
32:23واحد. سيونج رمى الوردة بعصبية وغضب وقال
32:26إن البوليس ده ما فيش منه رجا وكله مرتشي
32:28وفساد. هيوب هدأه وقال له بعقل: أنا كمان
32:31عايز أنتقم وأشرب من دمه. بس العصبية
32:33والتهور مش هتحل حاجة ولا هترجع حقنا. على
32:36الناحية الثانية لما يوجو فتح كشكول جون
32:38بيألف فيه، لقى إن آخر اسم كان مكتوب باسم
32:41يوجو نفسه. ساعتها فهم جون كان عايز يقول
32:44له إيه في المترو ومكسوف منه. جون كان
32:46عايز يعتذر له عشان ضايقه كتير قوي
32:48واستقوى عليه أول ما دخل السجن. يوجو حلف
32:50100 يمين إنه لازم ينتقم من يانج وياخد حق
32:52صاحبه لو آخر يوم في عمره. وقال لأصحابه
32:55بكل جدية لازم كل خطوة نحسبها صح ونلعبها
32:58بذكاء. في اللحظة دي جين أخت جون جت وقالت
33:01إنها عايزة تشارك معاهم في الانتقام لإن
33:04ده حق أخوها أو ما ينفعش تسيبه. وعشان
33:06تثبت لهم قوتها إنها مش ضعيفة ضربتهم كلهم
33:09في نفس الوقت ووقعتهم. بدأت الفرقة
33:11الجديدة تخطط للانتقام وتحط الخطة
33:14المظبوطة. جيهي افتكرت إن السايكو بارك
33:16أمرت رجالتها بتصوير الفيديو والمجزرة دي.
33:19فكروا إنهم لو لقوا الفيديو ده وخدوه
33:21هيقدروا يحبسوا يانج ويجيبوا أجله قانوني.
33:23يوجو جت له فكرة جهنمية وقال إن جين
33:26هتتنكر في لبس دليفري وتدخل مقر يانج
33:29وتوصل الطرد. الخطة بدأت تتنفذ. جين راحت
33:32سلمت طرد لعصابة يانج على الباب. بس
33:35الحقيقة إن يوجو كان مخبي كاميرا صغيرة
33:37برة الكرتونة ولازق عليها الكارت اللي
33:39يانج إداه له زمان. لما جين إدت الطرد
33:42للحارس، الحارس افتكر إن دي حاجة مهمة
33:45وسرية ليانج ووداها على طول لغرفة التحكم.
33:48وبكده كل حركات الحارس اتصورت بالكاميرا.
33:50ويوجو وهو قاعد في بيته حاطط رجل على رجل،
33:53رسم خريطة المبنى وعرف مكان غرفة التحكم
33:56بالظبط. وبكل سهولة. ودلوقتي جه وقت
33:59الأكشن والمعركة الكبيرة. سيونج دخل
34:01بالعربية بتاعته في جراج المبنى عشان يلفت
34:03انتباههم. لما الحارس شاف عربية غريبة في
34:06الكاميرا، بعت زمايله يشوفوا فيه إيه ومين
34:08اللي جه. لما راح الجراج لقوا العربية
34:10فاضية وما فيهاش حد، بس كان فيه صوت غريب
34:13طالع منها. فجأة مايكرويف محطوط جوة
34:16العربية انفجر وفرقع وجرس الإنذار ضرب في
34:20المبنى كله. كل الحراس جريوا على الجراج
34:22متسرعين. ده كان فخ وكمين عشان يشتتوا
34:25الحراس ويفضوا السكة. في الوقت ده يوجو
34:28وفرقته استغلوا الفرصة واقتحموا المبنى من
34:31الباب التاني. وبدأت معركة دموية طاحنة
34:34بين الحراس اللي باقيين ويوجو وأصحابه.
34:37عدد الحراس كان كبير وكثير بس ما قدروش
34:40يصمدوا قدام وحوش زي يوجو وأصحابه. الفرقة
34:43اتقسمت نصين ناس بتشغل الأعداء وبتعطلهم
34:46وناس بتخلص عليهم وبتنيمهم. بعد ما قضوا
34:49على كل الحراس ومسحوا بيهم البلاط يوجو
34:52جرى على غرفة التحكم عشان ياخد الفيديو
34:54الدليل. دخل الأوضة وهدد الموظف الغلبان
34:57وطلب منه التسجيل. بس اكتشف الكارثة إن كل
35:00الفيديوهات بتاعة اليوم ده اتمسحت
35:02واتفرمتت. على الناحية التانية يانج كان
35:04قاعد في مكتبه المكيف بيتفرج على كل ده في
35:06الكاميرات. مبهور بخطة يوجو الذكية. يوجو
35:10رجع لأصحابه وهو مخنوق وفجأة يانج شغل
35:13الفيديو اللي يوجو كان بيدور عليه في
35:15سماعات المبنى كله علشان يستفزهم. يوجو
35:17سمع صوته وهو بيترجى يانج عشان يسيب حياة
35:20جون. ولما سمعوا صوت بارك المجنونة وهي
35:22بتضرب جون بالسكينة وبيصرخ غضبهم زاد
35:26وبقوا مجانين وعايزين الانتقام الدموي.
35:28فجأة ظهر كانون الذراع اليمين وبارك
35:30ورجالة يانج قدامهم صف واحد. يانج اتكلم
35:33في المايك وقال بتحدي يا يوجو لو راجل
35:35وعايز الفيديو اطلع خده من فوق عندي. يوجو
35:38من غير تفكير ولا حسابات راح على
35:40الأسانسير على طول علشان يطلعله. كانون
35:42أمر باقي رجالته ينزلوا الجراج يلموا
35:44الليلة وفضل هو وبارك وسكار بس عشان
35:47يواجهوا أصحاب يوجو في المعركة الأخيرة
35:49الحاسمة. أول ما جين عرفت إن دي بارك
35:51السايكو اللي قتلت أخوها بإيدها اتجننت من
35:54الغضب وهاجمت عليها على طول من غير تفاهم.
35:57على الناحية التانية بدأت الخناقة الطاحنة
35:59بين هيوب وكانون. سيونج دخل في المعجنة مع
36:02سكار أبو دم تقيل. جوه الأسانسير يوجو فك
36:06رباط إيده بدأ يجهز نفسه للمعركة الحاسمة
36:08والأخيرة مع يانج الزعيم. يوجو وصل فوق
36:12ودخل حلبة الملاكمة الفخمة بتاعة يانج.
36:15لقى الفيديو اللي بيدور عليه شغال هناك
36:17على شاشة كبيرة. يانج طلع فلاشة من جيبه
36:19وقاله بابتسامة صفرا الفيديو على الفلاشة
36:22دي. قدامك طريقين تختار ما بينهم. يا تاخد
36:24الفلاشة وتغور من هنا في داهية يا تتخانق
36:26معايا راجل لراجل. أنا بديك فرصة تاخد حقك
36:29وحق صاحبك مني لو فيك حيل. يوجو مسك
36:31الفلاشة وكان هيمشي ويسيبه بس يانج نده
36:34عليه من ضهره وهدده بعيلته وأهله. يانج
36:36قاله بخبث وشر يمكن لما أذي عيلتك وأدمرهم
36:39بدل صحابك تتعصب أكتر وتلعب حلو. يوجو وقف
36:42مكانه وسأله بغيظ أنت بتعمل كل ده ليه
36:45وإيه اللي مخليك كده؟ يانج رد بكل بجاحة
36:48ووساخة: أنا بمزاجي أعذب الناس وأكسرهم
36:51ومحدش يقدر يقولي لأ أو يقف قصادي. يوجو
36:53اتعصب وهجم عليه بكل غل بس يانج كان لئيم
36:57وبيتفادى كل ضرباته بسهولة وبيحبطه. ضربه
37:00بالقلم على وشه وفضل يتريق عليه ويقلل منه
37:03وأثبتله إنه أقوى منه بكتير وفرق مستويات.
37:06هجم على يوجو هجوم مرعب ورزعه على ترابيزة
37:09إزاز كسرها نصين بضهر يوجو. وتحت في الدور
37:12الأرضي هيوب وكانون كانوا بياكلوا في بعض
37:15وبيقطعوا في لحم بعض. بس سيونج مكانش قادر
37:17على سكار القوي. وجع رجله القديم اللي كان
37:19مخبيه رجعله تاني وأثر عليه. لكن جين مسحت
37:23بكرامة بارك الأرض حرفيًا. وكانت بتاخد حق
37:26أخوها بالملي. وفي الأخير خلصت عليها
37:29وريحت الدنيا منها. لما سكار كان بيخنق
37:31سيونج وهيموته جين اتدخلت في اللحظة
37:33الأخيرة وهجمت عليه أنقذت الموقف. وفوق في
37:36الحلبه يوجو كان بيتألم على الأرض مش قادر
37:39يقوم. بس يانج إداله بوكس وشلوت تاني
37:42ورزعه في إزاز الشباك كسره بيه. يانج كان
37:44بيستمتع بالضرب والتعذيب علشان يستفز يوجو
37:47أكتر وأكتر فضل يشغل فيديو موت جون كذا
37:50مرة ورا بعض. خنق يوجو بإيده القوية وخلاه
37:53يتفرج غصبًا عنه وعينه طلعة على مشهد موت
37:56جون. تحت جين وهيوب بدأوا يتهزموا ويقعوا
37:59قدام أعدائهم بعد ما تعبوا. بس أول ما
38:01يوجو افتكر شجاعة جون وهو بيموت دبت فيه
38:04روح جديدة وقوة جبارة خفية. فلت من إيد
38:07يانج ردله الضربة بكل طاقته وبوكس في وشه
38:10وقعه. يانج فرح بوقاحته وقال حلو أوي.
38:13أخيرًا المتعة الحقيقية هتبدأ واللعبة
38:15هتحلو. بس الكفة مالت ليوجو المرة دي وبقى
38:18متفوق على يانج وبيمسح بيه الحلبه. جت
38:21فرصة ذهبية ليوجو وانه يكسر رجل يانج
38:23ويريحو. بس ما عملش كده واستنضف نفسه ونزل
38:26ضرب بوكسات في وشه زي المطر ما بيوقفش.
38:29شالو ورزعو في نص الحلبه بقوه جباره كسرت
38:32الحلبه نفسها من تحتهم. وتحت في الجراج
38:35ايد جين اتكسرت وهي بتتخانق مع سكار اللي
38:37ما بتهدش. بس السيونج جه في الوقت المناسب
38:40وانقذها قبل ما يخلص عليها. وهاجم على
38:42سكار وخنقو من رقبته وكتفو جامد عشان يدي
38:45الفرصه لجين تخلص عليه وتاخد حقها. على
38:48الناحيه التانيه هيوب طلع كل قوته
38:50المتخزنه وغلب كانون ووقعو ما بينطقش. فوق
38:54المعركه بين يوجو ويانج ما كانتش خلصت
38:56لسه. الاتنين نازلين طحن وضرب في بعض.
38:58يوجو مسك يانج وحاول يكسرلو دراعو بتكنيك
39:01اتعلمو. يانج من كتر الوجع اللي حس بيه
39:03شال يوجو ورزعو في الارض عشان يسيب ايدو
39:06ويفك المسكه. بس يوجو ما سبش ايدو بردو
39:09ومتثبت فيها كانه كلب بلدي وعض في عظمه.
39:12في الاخر يانج استسلم وما عرفش يعافر.
39:14ويوجو كسرلو دراعو وسمع طقته. يانج اتجنن
39:17من الغضب والالم وحاول يرمي يوجو من
39:20الشباك المكسور يموت. بس يوجو مسك في
39:22الشباك جامد وما رضيش يقع. العكس هو اللي
39:25حصل. يانج هو اللي اتزحلق واتعلق بره
39:27الشباك في الهوا بين الحياه والموت. كان
39:30ممكن يوجو يوقعو ويسيبو يقع عشان ياخد تار
39:32جون وتخلص الحكايه. بس هو مش قاتل ما
39:35عندوش رحمه وما ترباش على الغدر. انقذ
39:37حياه يانج الواطي وشدوا لجوه وطلعو تاني
39:40بره الامان. يانج ضحك ببرود وقالو هتندم
39:43ندم عمرك انك سبتني عايش وما موتنيش. بس
39:46يوجو عمل نفسه مش سامع وسابو مرمي زي
39:48الكلب ومشي. ولاول مره في حياه يانج
39:51المفتري حس انه خسر في كل حاجه واتكسر
39:54بجد. تاني يوم الصبح البوليس جه وقبض على
39:56يانج وكل رجالتو. اتوجهتلو تهم كتير اوي
39:59زي الملاكمه غير القانونيه والمراهنات
40:02وغسيل الاموال وقتل جون وسان. وبعدين يوجو
40:06جاب كشكول جون وراح لف على كل واحد دايقو
40:09جون زمان. اعتذرلهم كلهم بالنيابه عن جون
40:12عشان يريحوا في قبره. ورغم ان اغلب الناس
40:14ما سامحوش وما رضوش يقبلوا العذر. بس على
40:16الأقل يوجو حقق آخر أمنية لجون وعمل اللي
40:19عليه. بعدين فتح الصفحة اللي فيها اسمه هو
40:22في الكشكول وكتب جنبها بالقلم: مسامحك.
40:24ووقف قدام صورة جون وقال له والدموع في
40:27عينه: يا صاحبي، أخويا، أنا مسامحك من
40:29زمان قوي ومن قلبي. يوجو راح زار دوني في
40:32السجن ثاني وقال له وهو مبتسم: أنا عايز
40:34أبقى ملاكم محترف زيك وأكسر الدنيا. دوني
40:37نبهه وقال له وهو فخور به: علشان توصل
40:39للإحتراف وتبقى بطل لازم تتعب وتشقى قوي
40:42وتطلع عينك في التمرين. بعدها يوجو
40:44وأصحابه عرفوا إن بطولة روكي العالمية
40:46للمبتدئين هتبدأ قريب، وكلهم قرروا
40:49يشاركوا فيها ويعملوا اسم لنفسهم. في
40:51نهاية القصة الجميلة دي بنشوف يانج محبوس
40:53في نفس السجن اللي فيه دوني، والإثنين
40:56بيضحكوا لما شافوا بعض، وكل واحد عارف
40:58مقام التاني. يا جماعة، دي كانت قصة الجزء
41:00الأول والثاني من الشارك الجامدة دي، ولحد
41:03دلوقتي ما فيش أي إعلان رسمي ولا خبر عن
41:06الجزء الثالث هينزل إمتى، بس أول ما ينزل
41:08ويكون متاح هنجيبه لكم على طول ونحكيه لكم
41:11أكيد. لو عجبكم الفيديو والقصة دي ساعدونا
41:14نوصل الفيديو ده لـ 10,000 لايك علشان
41:16تشجعونا، واللي كمل معانا للآخر وما زهقش
41:19يحط إيموجي البوكس في التعليقات عشان أعرف
41:22مين اللي استمتع بجد وعاش معانا الأحداث.
41:25أشوفكم الفيديو الجاي، سلام.

About this transcript

This page contains the full transcript of ولد ضعيف بيدخل سجن عصابات، فجأة بيتحول لاخطر واقوي واحد في السجن by MoviesLimbo 🍿 , generated from the public captions YouTube serves with the video. The transcript has 6,951 words across 944 segments, with the original timestamps preserved so you can click any line to jump to that moment in the embedded player.

What you can do with it

Use the transcript to take notes, quote the speaker, build a study guide, generate a summary with ChatGPT or Claude via the YouTube Summary tool, or export it as a timed subtitle file with YouTube to SRT. You can also re-open it in the transcriber to choose a caption track available on the video.

Free YouTube transcript tool

YouTube2Text is a free YouTube transcript generator — no signup, no daily limit. Paste any YouTube link and get the full transcript instantly, with timestamps, click-to-jump, caption language selection, AI prompts for ChatGPT, Claude, and Gemini, and exports to TXT, SRT, VTT, or Markdown.